Avokado verbouing is die beste geskik in ʼn vogtige subtropiese klimaat met 'n gemiddelde daaglikse temperatuur van 20 tot 25°C.
In Suid-Afrika is sekere gebiede geskik vir hoogs produktiewe avokado boerderye op voorwaarde dat die klimaatstoestande ook geskik is. Hierdie gebiede sluit in die Limpopo en Mpumalanga provinsies asook sekere dele van KwaZulu-Natal en Oos-en Wes-Kaapland.
Die Keuse van Avokado Kultivars
Die keuse van 'n geskikte avokado kultivar hang hoofsaaklik af van die bemarkingstrategie, vereistes van die mark en die plaas se klimaat en water beskikbaarheid. Sekere kultivars kan matige koue en af en toe se ryp weerstaan. Ander kultivars is meer in aanvraag vir die uitvoer of plaaslike markte en dan word keuses gemaak tussen groen-skil en swart-skil velkleur tipes. Daarbenewens word 'n kultivar gekies wat vroeg of laat dra om 'n groter aanvraag te verseker wanneer beskikbaarheid beperk is.
Dit is belangrik om die beste gehalte plantmateriaal wat reeds gehard is van betroubare kwekerye te koop.
Die Aanplant van Avokado's
Vir nuwe boere is dit belangrik om te onthou dat avokadobome afhangende van watter plantmateriaal gebruik is eers na 7 tot 10 jaar produktief raak. Ingeënte bome wat afkomstig is van 'n betroubare kwekery dra gewoonlik hul eerste klein oes in die derde jaar na aanplanting.
Avokado's doen die beste in grond met 'n 20 tot 40% klei-inhoud, maar vereis goed gedreineerde grond om wortelvrot wat dikwels veroorsaak word deur die Phytophthora cinnamomi swam te beheer. ʼn Deeglike grondontleding voor aanplanting sal moontlike leemtes wat ten tyde van die aanplanting voorkom aan dui en kan dan reggestel word.
Die bome se plant afstande van mekaar sal afhang van die groeiwyse van die kultivars. Fuerte kan byvoorbeel groot en verspreiding van groei toon terwyl Hass redelik regop groei. Verder sal boorde se uitleg afhang van die helling en ander aspekte soos of dit noord of oos kyk, die grondtipe, uitdun prosesse sowel as toegang vir masjinerie. Daar is 'n stap in die rigting van riwwe grawe wanneer die grond voorberei word vir nuwe aanplantsings, maar dit hang af van die grondtipe en die kapitaal wat beskikbaar is.
Bestuur van Avokadoboorde
Boerderybedrywighede in die avokado produksie sal afhang van verskeie faktore soos die bestuurder en bestuurstyle die grootte van die kommersiële bedryf en beskikbare kapitaal. Sommige bestuur aksies sluit in besproeiing, snoei, en bevrugting. Sommige aksies word hieronder genoem.
Avokadobome is sensitief vir water versadigde grond asook droogtestres en besproeiing moet bestuur word om daarin te slaag om een van hierdie uiterstes te vermy. As gevolg van Suid-Afrika se benarde watersituasie word vloedbesproeiing nie aangeraai nie. Mikro-jet besproeiing word wyd gebruik en daar is 'n sterk beweging na drupbesproeiing as gevolg van sy water doeltreffendheid.
Dit is nodig om in die winter na oes te snoei en kan gevolg word met 'n ligter snoei weer in die somer. Snoei metodes wissel van kultivar tot kultivar.
Wanneer groot takke blootgestel word aan direkte sonlig as 'n gevolg van snoei, moet hulle beskerm word teen sonbrand deur toepassing van PVA verf of verf wat spesifiek geformuleer is om teen sonbrand te beskerm.
Bevrugting van avokado’s sal afhang van die uitslae van grond en blaar ontledings. Makrovoedingstowwe wat benodig word kan stikstof, fosfor, kalium, swael, kalsium en magnesium insluit. Mikrovoedingstowwe wat benodig word is elemente soos boor, sink, koper, natrium, yster, en mangaan. Dekgewasse kan gebruik word om biodiversiteit in die boorde te voorsien en natuurlike roofdiere aan te moedig, vogverlies uit die grond te voorkom en 'n natuurlike deklaag te vorm.
Avokado's word nie windbestuif nie en vereis die aktiewe oordra van stuifmeel om voorsiening te maak vir 'n optimale vrug-versameling. Die Landbounavorsingsraad (LNR) beveel 03:58 byekolonies per hektaar vir effektiewe avokado bestuiwing aan.
Peste en Siektes van Avokado's
Wortelvrot wat veroorsaak word deur Phytophthora cinnamomi kom wêreldwyd in avokadopeerboorde voor. In Suid-Afrika is dit een van die belangrikste siektes wat avokadobome affekteer. Simptome sluit in die geel word en afval van die blare en die wortels wat swart word. Antraknose van avokado’s is nog 'n algemene siekte wat vrot kolle in die vlees van ryp vrugte veroorsaak.
Nog 'n vorm van Phytophthora veroorsaak stam verroesing van avokadobome. Cercospora spot word veroorsaak deur die Pseudo purpurea swamme wat hoekige-kolle op die blare en klein bruin kolle op die vrugte veroorsaak.
Die hartvormige skubbe is veral 'n oorlas op die Hass kultivar en terwyl die vrugtevlieg en valskodlingmot skade op die avokado vrugte veroorsaak kan hulle beheer daarop gemik wees om die uiterlike voorkoms van die vrugte te beskerm. Suid-Afrikaanse avokadoboorde is relatief vry van ernstige insekplae te danke aan biologiese beheer deur natuurlike insekte vyande. Die gebruik van insekdoders in avokadoboorde is hoofsaaklik beperk tot lokaasbespuitings teen die vrugtevlieg en as die gebruik van chemikalieë vereis word. Avokado produsente word aangemoedig om geïntegreerde plaagbestuur (GPB) tegnieke aan te wend.
Translated by Wilma Koeppen