Souzao
Nhlamuselo
Souzão i madiriva ya wayeni yotshuka kusuka e Minho ndzhawu leyinga e N’walungwini wa Portugal lawa yatirhisiwaka ku endla port-style wine (Duoro Valley) kumbe yotshuka ya Vinho Verde (‘young wines’) e n’walungwini wa Portugal. Souzão yitlhela yi byariwa nale matikweni ya Australia, California, Spain na Afrika Dzonga.
Ntumbuluko
Portugal
Mavito Yan’wana
Souzão yipeletiwa tani hi ‘Sousao’ kumbe Souson kambe leswinga swona i Vinhao. E tindzhawini ta Galicia e Spain laha Souzão yabyariwa, naswona yivuriwa Tinta Pais. E Afrika Dzonga, muxaka lowu wutsarisiwe Souzão. Mavito yanwana yakatsa: Tinto Nacional, Tinto Antigo, Tinto da Parada, Negrao, Negrao Pe de Perdiz, Espadeiro da Tinta, Espadeiro Basto, Espadeiro Preto and Pinta Femea.
Vuhumelerisi e Afrika Dzonga
Souzão yite e Afrika Dzonga hi lembe ra 1920s kambe kuna 44ha ntsena leyinga byariwa naswona yibyariwa kona laha kaya – masimu lawa yotala (24ha) yakumeka eka tindzhawu ta Swartland. Masimu yakhale – yasungule kubyariwa hi 1976 – naswona yakumeka e mapurasini yale Allesverloren e Riebeek Valley. Purasi leri ridume hiku tirhisa port-wine eka ku endla tiwayeni ta vona totshuka.
Ku Kula
Souzão ayi kulanga ngopfu, wa loloka swinene laha wutlhela wuvuyisela mihandzu ya kwalomu ka 10 – 12 ton/ha kambe vahumelerisi van’wana vatsakela kuhunguta mbuyelo wuya eka 6 -10 ton/ha. Swa olova kubyala nsinya lowu,naswona wutsakela ngopfu misava leyinoneke yitlhela yikota ku hanya kahle laha kuhisaka.
Ku Vupfa
Souzão yiteka nkarhi swinene ku vupfa naswona kunga tshoveriwa se kuri khale exikarhi ka nguva (late February kuya eka mid-March) laha nhlayo ya chukele yinga leka 24 - 26° Balling.
Mihandzu
Mihandzu ya wona iya muhlovo wa wasi kuya eka ntima naswona yivekeke kahle eka swichocho yitlhela yiva na nhlonge yotsindziyela. Hivumbirhi kaswona, nhlonge na juzi swiengetela muhlovo eka wayeni.
Matluka
Matluka ya Souzão aya kulangi ngopfu, yana muhlovo wa grey kuya eka rihlaza lawa yangana swiave swinharhu kuya eka ntlhanu lawa ya khotsekaka emakumu ka wona.
Switsotswana na Mavabyi
Souzão ya swikota kukondzelela botrytis na downy and powdery mildew.
Kutirhisiwa
E Afrika Dzonga Souzão yitirhisiwa eka tiwayeni totshuka kuva yikatseriwa eka ti port-style wines. Xiave xa yona ngopfu eka tiwayeni leti to tshuka i muhlovo lowunga wodzwihala kuya eka ntima. Yitlhela yikota ku engetelela nhlayo ya xihoko na acid yantolovelo, madiriva lawa ya Souzão yatlhela ya engetelela nantswo wakahle swinene. Ayipfumeleriwanga kuva yivekiwa kuva yivuopfa kuhundza ntlhanu wa malembe.
Nantswo/Nuhelo
Nantswo lowu kumekaka eka muxaka lowu hilowu fanaka na wild blackcurrant, liquorice, spice xikan’we na dzovo, kambe varingi van’wana vahlamusela leswaku nantswo wa Souzão’s wa khwaxela nova na ti raisin. Wayeni yohuma eka madiriva lawa eka tindzhawu leti kufumelaka yiva na nantswo woyelana na jamu.
Translated by
Ike Ngobeni