Matsavu yale kaya ya kondzelela swiyimo swo tika swa mbango, laha sweswi yanga tolovela eka maxelo yale Dzongeni wa Afrika (yotala ya mila e nhoveni) naswona ya lulamerile kuva ya tikulela hambi yanga cheletiwi. Ku engetela kwalano, matsavu lawa i xiphemu xa ndzhaka na ndzhavuko wa ndzhawu leyi.
‘African leafy vegetables’ swivula ntlawa wa swimilani leswi welaka e hansi ka matsavu ya matluka naswona switlhela swivuriwa morogo, miroho kumbe imifino hi vaaki vale Dzongeni wa Afrika leswi swinga xiphemu xa swakudya swa siku na siku eka mamiliyoni (ngopfu ngopfu e makaya) ya ma Afrika Dzonga naswona swifuwile swinene hi swakudya swofana na ti vitamin A na iron.
Leswintsongo, swirhabyani leswi nandzihaka, mabilomu na mihandzu leyintsongo, switirhisiwa tani hi matsavu. Swakudya swinga lulamisiwa kusukela eka muxaka wun’we wa matsavu kuya eka nhlengelo wa matsavu yotala. Ku katsa nantswo, swicheriwa swofana na matamatisi, tinyala, timanga na swipayisisi swinga tirhisiwa. Swotala swa swibyariwa leswi, switshoveriwa e nhoveni, kasi swinwana swa byariwa e makaya, hixitalo kuva swi pfuneta eka swakudya swale mitini.
Sweswi, va Agricultural Research Council (ARC) vateke goza raku hlohletela ku byariwa naku tirhisiwa ka matsavu hi van’wamapurasi, vavasati na mintlawa yokarhi. Ti projeke ta vulavisisi lebyi hiva ARC ti langute eka maendlelo yo antswa swinene yaku rima, mabyalelo yo antswa na tindlela tintshwa ta ntshovelo, leti langutaka eka macheletelo na manoniselo ya kahle lawa ya lavekaka, swibyariwa swintshwa na misava leyi khomaka mati kahle. Vuxokoxoko lebyi byi ta tirhisiwa ku simeka maendlelo ya kahle ya vupurasi naku humelerisiwa ka matsavu ya matluka ya xi Afrika.
Nongonoko wa vulavisisi wu langute swibyariwa leswi landzelaka:
Amaranth
Spider plant (Cleome gynandra)
Corchorus spp
Nightshade (Solanum retroflexum)
Makwembe na bitter melon
Ti cowpea (Vigna unguiculata)
Amadumbe (Colocasia esculenta)
Amaranth, corchorus xikan’we na spider plant i matsavu lawa hi ntumbuluko yanga ya matluka lawa yngana nhlayo yale henhla ya swakudya swotani hi calcium, iron nati vitamins A na C. Amaranth na corchorus switlhele swifuwa swinene hiti protein na fibre. Hambi leswi swibyariwa leswi switekiwaka swinga lavi vulawuri byotala naswona swimilaka nale ka misava leyingariki na swakudya ngopfu, mbuyelo wa vulavisisi wukomba leswaku mbuyelo wa swona wunga tlakusiwa hiku nyunyetela manyoro eka misava.
Amaranth
Spider Plant
I ximilani xa mintsebyani lexingana matluka lawa yangana voya nyana na tshindi rakona, matlukalawa yatshame kufana na tintiho letinga e vokweni ra munhu naswona yatirhisiwa loko yahari ya ntsongo. Minkarhi yin’wana ya dzunga, yanga swekiwa hi masi na matamatisi kutani ya phameriwa kufana na xipinichi, leswi tisaka nantswo wokarhi eka ndzelo.Muxaka wa Corchorus
Muxaka lowu wutiveka tani hi Jew’s Mallow (Corchorus olitorius na Corchorus tridens) ximilani lexi xivakona lembe hinkwaro laha xingana swibilon’wani swintsongo swa xitshopani. Loko corchorus ri swekiwile ra rhetela kufana na okra. Kuhunguta kurhetela lokuya kufanele ku cheriwa bicarbonate of soda (kumbe mitsakamiso ya homu) eka mati lawa ku swekiwaka ha wona.Nightshade
Nightshade i ximilani xa mitsembyani lexi kulaka kuya henhla xifika eka 75 cm naswona xitiveka ngopfu hikwalaho ka mihandzu ya xona leyintsongo ya purple kuya eka ntima, leyinga dyiwaka yitetano kumbe yitirhisiwa eka ku endla jamu. Muhandzu wakona loko wahari rihlaza wuna phoyizeni swinene. Matluka na tinhompfu ta kona swa swekiwa kambe swinga dyiwa swinga swekiwanga.Kwembe na Bitter Melon
Cowpeas
Amadumbe
