Nsinya lowu wuna matluka ya mihlovo yimbirhi (ehansi karona ika mpun’wa kuya eka ku basa) naswona wuhumesa mabilomu yo nuhela kunyanganya lawa yangana xivumbeko xa timporopita kusukela eka July kuya ka November. Mabilomu lawa ya humesa nectar na pollen yotala ya tinyoxi naswona swiendla leswaku yitsakeriwa hi vafuwi va tinyoxi.
Nsinya lowu wukulu na mahanti yotlhava wu tswala mihandzu yoringana na plum leyinga xitshopani no dyeka. Muhandzu wovupfa wudyiwa wutetano, wu omisiwile kumbe kuswekiwa tani hi vuswa, ku kandziwa leswaku wuta humesa juzi kumbe ku vandzekeriwa byala. Tinyungu takona letinga tala mafurha ta dyiwa tiri toxe (ti nantsweka kufana nati almonds), ta kandziwa kutani titirhisiwa ku endla supu kumbe tikatsiwa na matsavu.
Mafurha lawa ya humesiwaka ka tinyungu takona ya tirhisiwa ku sweka hi wona. Kutirhisiwa ka mobola plum eka swavutshunguri swikatsa kutirhisiwa ka mahanti na matluka kutshungula pneumonia, cataracts na kuvava tindleve. Matluka lawa yanga tshakatiwa yanga pfuna ku tshungula marhambu lawa ya tshovekeke kumbe kusuka evutshan’wini, ku horisa swilondza na ku vaviseka.
Tihunyi ta Mobola tina silica leswi endlaka leswaku switika ku titirhisa, kambe tikahle loko titirhisiwa e mayini, ti endla tipala, swikwekwetsu kumbe swikepe. Nsinya lowu wutsakela misava leyi khomaka mati ya sandi (yingana acidic) naswona wuchava swinene maxelo yotitimela na moya.
Disclaimer ya Swavutshunguri
Vuxokoxoko lebyi i byo dyondzisa xikan’we no nyika vuxokoxoko naswona swinge tekiwi tani hi switsundzuxo swa vutshunguri. Vuxokoxoko lebyi abyi kongomisiwangi eka kuyimela switsundzuxo swa vutshunguri kumbe kutshunguriwa loku ku nyikeriwaka hi lavanga leteriwa eka swavutshunguri.Translated by Ike Ngobeni