Ku Byariwa ka Thyme

Mabyaleloya Mbewu

©Louise Brodie
Ku byariwa swi endliwa hi mbewu kambe thyme yinga tlhela yibyariwa hiku tirhisa swirhabyani leswi tsemiweke kumbe kuhambanyisiwa ka swimilani leswikulaka kutani swiya byariwa.

Ndlelo ya Mabyalelo

Swimilani swa nhlayo leyikulu swibyariwa eka ndzhawu yo byalela kona hiku tirhisa michini yo byhala. Ku byala eka mapurasi lawakulu lawa ya xavisaka swi endliwa hixitalo hiku byariwa ka swimilani leswi se swinga lulamisiwa eka ti greenhouse. Leswi swinyika mubyari vulawuri byotala eka kutlhuma ka ximilani xikanwe na ndzingano. Mbewu ya thyme yibyariwa eka ti tray letinga enta 6 mm. Loko mbewu leyi yimirile naswona yitiyerile, yitekiwa yiya byariwa emasin’wini.

Xipesi

Swimilani swa thyme swifanele swivekiwa eka xipesi xa 20 cm hiku hambana eka mintila leyinga 50 cm hiku hambana. Laha i nsimu leyingana kwalomu ka 80 000 wa swimilani hi hectare. Ndlela ya switirhisiwa na teretere ya siyiwa leswaku kuta lawuleka xikan’we na ntshovelo.

Nkarhi Wobyala

Ku byariwa kunene ka thyme swi endliwa ensinwini hi nguva xa xixikana. E Afrika Dzonga, leswi switava ekuheleni ka nhweti ya March kumbe ekusunguleni ka April naswona switiyisisa kukula loko xixika xingase fikelela naswona loko kuya fika ximunwana swimilani switava switiyerile nakuva swimile kahle.
Byala mbewu eka ti tray eka ndzhawu leyinga sirheleleka kumbe ti greenhouse hinhweti ya June naswona emasunguleni ya ximunwana swimilani switava switiyerile kuringana leswaku swinga simuriwa swiya byariwa e masinwini. Swimilani switala kuva switiyerile kuringana endzhaku ka mavhiki ya nhungu loko kutava ku byariwe mbewu.

Nkarhi Lowu ku Byariwaka hi Wona

Byala swimilani swa thyme emasunguleni ya ximunwana. E Afrika Dzonga byala swimilani eku heleni ka August kuya emasunguleni ya September endzhaku ka gwitsi rohetelela.

Nkarhi Wokula

Nhungu wa mavhiki endzeni ka greenhouse swifanele kuva ku hunma swimilani swa thyme leswinga lulamela kuva swisimuriwa swiya byariwa emasinwini. Kuhumelerisiwa ka thyme yotsakama, vahumelerisi vanwana vasungula ku tshovela yotsakama loko swimilani swiri na 12 wa mavhiki kusukela eku simuriweni.
Endzhaku ka sweswo ntshovelo wa vumbirhi wunga endliwa kunga se sungula xixikana. Ntshovelo wa lembe ravumbirhi wuta vuyisa mbuyelo wale henhla. Swimilani swa thyme swinga tshoveriwa kuringana mune kuya eka ntlhanu wa malembe loko swihlayisiwe kahle. Swimilani swa thyme swisungula kutsindziyela ngopfu naku oma loko swiya swiva swakhale lero swa tsundzuxiwa kuva ku cinciwa swimilani leswi endzhaku ka mune kumbe ntlhanu wa malembe yanwana na yanwana.

Ku Nonisa

Thyme ayi lavi swononisa swotala. Loko kungase byariwa, swikombiso swa misava swifanele ku tekiwa swirhumeriwa leswaku swiya hleriwa. Leswi swita humesela erivaleni muxaka wa misava na swilaveko swa swakudya swa swimilani leswi lavaka ku byariwa.
Tani hi mpfuneto, swipimelo leswi landzelaka swinga tirhisiwa loko ku pfumaleka ndzavisiso wa misava. Ku sungula ku cheriwa 250 kg wa 3:1:5 leyinga haxiwaka kutani yihlanganisiwa na 20 cm ya misava yale henhla loko kungase byariwa swimilani. Leswi swita nyika swimilani swintshwa swa thyme masungulo yakahle yakuva switshamiseka.
Eka tinhweti ta 12 to sungula, swina nkoka kuva swimilani switshama swirikarhi swikula leswi vulaka leswaku kucheriwa kambirhi ka 200 kg ya 3:1:5 swinga endliwa eka mintila ya swimilani, kan’we hi December kutani nakambe hi nhweti ya March. Swa hlohleteriwa ku nonisa misava endzhaku ka ntshovelo wunwana na wunwana.

Ncheleto

Ximilani xa thyme i ximilani lexinga tsindziyela naswona axi lavi mati yotala. Loko xibyariwe kungari na ncheleto wa nkarhi hinkwawo, mpfula ya kwalomu ka 500 mm hi lembe yifanele kuva yi ringanerile. Ku nghenisiwa ka swocheleta swa nkarhi hinkwawo swa pfuneta ku tlakusa ntshovelo. Ncheleto wale henhla kumbe waku tirhisiwa ka drip wu lulamerile kambe kunga cheletiwi kutlula mpimo hikuva leswi swita vanga mavabyi ya timintsu xikanwe naku hunguta matimba ya mafurha yankoka eka ximilani.
Kuya hi muxaka wa misava xikan’we na maxelo, nhlayo ya ncheleto yita hambana kuya hi masimu na masimu. Nacheletelo lawa ya ringaneleke yale xikarhi ka 20 na 25 mm hi vhiki hi minkarhi leyi kufumelaka ya tinhweti ta ximumu kutani swihunguteka eka tinhweti letinga hola kumbe himinkarhi ya mpfula ya lembe. Unga cheleti hi vhiki rantshovelo, kambe cheleta loko ku heta ku tshoveriwa kuvuyelerisa ndzhongo eka misava leswaku kungavi na ntshikelelo. Swa hlohleteriwa ku nghenisa switirhisiwa leswingata languta ndzhngo eka misava.

Translated by Ike Ngobeni