Ku Byala
Sweet pepper yibyariwa hi mbewu.Mabyalelo
Mbewu ya sweet pepper yinga byariwa emisaveni kambe leswi ahi leswi talaka ku endliwa eka varimi lavakulu. Mbewu yibyariwa eka ti beds kumbe ti seed trays. Mbewu yita mila kutani kuva na swimilani. Loko swimilani swirikona naswona swifika eka 15 cm hiku leha naswona switiyerile swinga simuriwa swiya byariwa ensinwini.Xipesi
Swimilani swifanele swivekiwa eka xipesi xa 40 kuya eka 50 cm hiku hambana eka mintila leyinga 50 cm kusuka eka yin’wana eka mintila letinga anama ya mintila yimbirhi leswaku vatirhi na switirhisiwa swita kota ku tirha kumbe kuhundza. Leswi swilava swimilani leswinga eka 30 000 na 45 000 wa swimilani hi hectare kuya hi xipesi lexinga pimiwa hi murimi.Nkarhi wo Byala Mbewu
Eka tindzhawu letinga sirheleriwa tani hiti greenhouse kumbe laha xixika xihlwelaka ku fika naswona ximunwana xikufumelaka kubyala mbewu swinga sungula hi June kumbe July. Loko ku endliwa swimilani swa sweet pepper e handle laha kunga pfuleka, mbewu yibyariwa eku heleni ka August kuhundza ka maxelo ya ximunwana yohola.Nkarhi wo Byala
Kwalomu ka 5 kuya eka 6 wa mavhiki endzhaku ka kubyariwa ka mbewu ya sweet pepper kubyariwa ka swimilani swinga landzela. Leswi switala kuhumelela emakumu ka nhweti ya July eka tindzhawu leti kufumelaka swinga endliwa exikarhi ka September. Ku byala swinga endliwa kufikela emaheleni ya December.Nkarhi wo Kula
Kusuka eka mbewu kuya eka mihandzu leyinga vupfa, viriviri leringa vupfa kuya hi muhlovo (red, yellow, purple, white or orange) swinga teka kwalomu ka 5 wa tinhweti kuva kutshoveriwa. Virviri ra rihlaza leringa vupfangiki ringa teka kwalomu ka 8 wa mavhiki kutshoveriwa endzhaku ka kubyariwa ka swimilani.Ku Nonisa Misava
Switala ku hlohleteriwa kuva ndzhawu ya swimilani leswi yi hlahluviwa hi extension officer na mutsundzuxi wa swakudya swa misava loko kunga se byariwa. Swiletelo swo nonisa misava leyi kungata byariwa viriviri hi leswi landzelaka. Tiyisiwa leswaku misava yirimiwile naswona yi leveriwe kahle. Eka kurima ko hetelela kutala kutirhisiwa puluhu ya disc kutani kucheriwa manyoro lawa yanga exikarhi ka 800 na 1000 kg ya 2:3:4 (30) (nkatsakanyo wa Nitrogen, Phosphates na Potassium) eka 20 cm ya misava.Loko kutirhisiwa ncheleto wa drip swikahle ku tirhisa manyoro ya mati lawa ringanelaka eka mavhiki ya mune yosungula yaku kula kutani swiva tano eka nkarhi hinkwawo wakukula kufikela mavhiki yanharhu loko kunga se tshoveriwa mihandzu leyinga vupfa. Laha ku tirhisiwaka kucheleta hile henhla kumbe tindlela tinwana chela kwalomu ka 250 kg ya LAN hi hectare eka 6 wa mavhiki endzhaku ko byala. Ku cheriwa ravumbirhi swinga avanyisiwa ka mbirhi eka 6 wa mavhiki nakambe eka 8 wa mavhiki yo byala.
Ku Cheleta
Cheleta exikarhi ka 30 na 40 mm ya mati hi vhiki eka nkarhi hinkwawo waku kula. Swa hlohleteriwa ku nghenisa ti tension meters kulangutisa matsakamelo ya misava. Tani hileswi timintsu tivaka tiri eka 30 cm ya misava, hambi foxolo yinga tirhisiwa ku kamba misava loko yitsakama. Macheletelo yo antswa iku tirhisiwa ka drip laha kunga ndlaleriwa plastiki tani hileswi swinyikaka murimi vulawuri eka macheletelo na kunonisiwa ka misava na swimilani.Kucheletiwa hi mati lawa ya khulukaka swinga endla leswaku kuva na kutala ka mati kumbe swiyimo leswi nga oma naswona swastika kuswilawula. Ku cheletiwa hile henhla swinga endla leswaku kuva na mavabyi ya fungi naku bola.Translated by Ike Ngobeni