Mabyalelo
Gem squash yi byariwa kusuka eka mbewu.Ndlela yo Byala
Ku byariwa ka gem squash swinga endliwa hiku byariwa ka mbewu emisaveni hiku tirhisa muchini wobyala kumbe hi voko eka mapurasi lawa ntsongo. Ku byariwa ka swimilani swati gem squash swi endliwa hikuva ku tirhisiwe mbewu eka ti seed trays eka ti greenhouses eka masiku yohetelela ya xixika naswona loko maxelo ya pfumela kubyala swimilani ensin’wini. Hiku byala swimilani mubyari kumbe n’wamapurasi anga hlayisa nkarhi swinene kutani a tshovela mavhiki mambirhi kumbe yanharhu hiku hatlisa.Xipesi
Swimilani swati gem squash swifanele kuvekiwa eka 50 cm hiku hambana eka mintila leswinga eka 120 cm hiku hambana. Leswi swi kwalomu ka 16 000 wa swimilani hi hectare. Swin’wana swa swibyariwa leswinga tlimbana swivekiwa ekusuhi na kusuhi swinene laha swingata kula switlhuma kufika kwalomu ka 20 000 wa swimilani hi hectare.Ku Byala na Nkari Wobyala
Nkarhi wa kahle swinene kubyala hiloko misava yisungula ku kufumela hi ximun’wana naswona loko ku hundzile gwitsi. Leswi switala kuva ekuheleni ka nhweti ya August eku sunguleni ka September. Ti gem squash tinga byariwa kuya fikela eku heleni ka nhweti ya February ntsena loko maxelo yari kahle. Tibyariwile xikan’we naku tshoveriwa kuya fika eka tinhweti ta xixika eka tindzhawu letingariki na gwitsi.Nkarhi Wokula
Ti gem squash ti teka exikarhi ka 10 na 12 wa mavhiki loko mihandzu yo sungula yiva yi lulamerile ku tshoveriwa. Mihandzu yakona yinga tshoveriwa kusukela loko yiri na ntsevu wa mavhiki endzhaku ko byariwa.Ku Nonisa
Ku nonisiwa rosungula swi endliwa loko kungase byariwa eka misava yale henhla ya laha kungata byariwa kona. Kuya hi mbuyelo wa vku hleriwa ka misava xikanwe nale xikarhi ka 600 kg hi hectare ya 2:3:4 (30) yinga endliwa. Leswi swiva swirikona eka swimilani hinkarhi walowo naswona swita hlohletela kukula ko sungula xikan’we naku mila ka timintsu. Kwalomu ka 4 wa mavhiki endzhaku ko byala loko swimilani switshamisekile naswona swikula kahle endzhaku ka ku cheriwa ravumbirhi ka 350 kg hi hectare ya 2:3:4 (30) yinga haxiwa eka mintila ya swimilani kutani swi hlantsweriwa endzeni hikokwalaho ka ncheleto.Ku cheriwa ravunharhu ka Nitrogen swinga endliwa loko ku kula ka swimilani swiri xiphiqo naswona yilaveka. Kwalomu ka 250 kuya eka 400 kg hi hectare ya LAN (28) hi xitalo yiva yi lulamerile. Leyi ringanaka hi manyoro lawa yanga katsiwa na mati hiku tirhisa ncheleto wa drip nawona yanga cheriwa loko macheletelo lawa ya drip ya vekeriwile.
Ncheleto
Exikarhi ka 30 mm na 40 mm wa ncheleto eka nguva hinkwayo yakukula swifanele kuva swiringanerile. Leswi swifanele ku engeteriwa kuya hi xiyimo xa maxelo. Swikahle swinene ku cheleta hi drip tani hileswi swisiyaka matluka yaomile naku hanya kahle naswona kuva mati yah aha swile hansi swinene. Manyoro lawa ya cheriwaka hiku kongoma eka timintsu nawona ya tirha kahle swinene.Nhlayiso wufanele wuva kona leswaku kunga cheletiwi ngopfu tani hileswi ti gem squash ti chavaka mavabyi yatimintsu loko kutele mati laha hansi. Loko ku tirhisiwa ncheleto wa sprinkler, ringeta ku tiyisisa leswaku matluka ya omile loko dyambu ringase tlomuta kuhunguta kuva na nhlaselo wa fungi. Switlhela switsundzuxiwa leswaku kutshama kurikarhi ku langutiwa ndzongho eka misava naswona ndlela leyi tirhaka kahle swinene ikuva kuvekeriwa leswi pimaka ndzongho emisaveni.
Translated by Ike Ngobeni