Kukhokhwa kwe Titjalo Letincane
Kwakheka kwe gem squash kusuka etinhlavini.Indlela yeKuhlanyela
Kuhlanyelwa kwe gem squash kungaba yintfo leyenteka ngekuhlanyela tinhlavu ngemshina wekuhlanyela noma ngesandla emabhodweni lamancane. Kuhlanyelwa kwe titjaloletincane te gem squash kuphindze kwentiwe ngekukhokha kumatreyi etinhlavu endlinileluhlata ngesikhatsi semalanga ekugcina asebusika nangesikhatsi lesimo selitulu silungele kutsi kuhlanyelwe letincane ngaphandle emasimini. Ngekuhlanyela letitjaloletincane lomlimi noma lomkhulisi angagcina sikhatsi aphindze acale kuvuna kumaviki lamabili kuya kulamatsatfu ekucaleni.Kuvulwa Kwesikhala
Titjalo te gem squash kumele tivulwe tibengemasentimitha lamashumi lasihlanu ngekushiyana emilayinini lemasentimitha lalikhula nemashumi lamabili ngekushiyana. Loku kungaba titjalo letitinkhulungwane letilishumi nesitfupha kuhekitha linye. Lokunye kwetinhlobonhlobo letihlangene tivulwe ndzawonye ngetitjalo letishonako tetitjalo letitinkhulungwane letimashumi lamabili kuhekitha linye.Kulima neSikhatsi seKuhlanyela
Sikhatsi lesikahle kungesikhatsi lomhlabatsi ucala kufutfumala entfwasahlobo nangesikhatsi sitfwatfwa sesendlulile. Loku kuvame kuba kuphela kwenyanga yeNgci nekucala kwenyanga yeNyoni. Ema gem squash angahlalinywa kuze kubesekupheleni kwenyanga yeNdlovana nangabe nje lesimo selitulu singulesikahle. Alinyiwe aphindze avunwa etinyangeni tebusika etindzaweni letite sitfwatfwa.Sikhatsi seKuhluma
Ema gem squash atsatsa emkhatsini wemaviki lalishumi nelishumi nakubili kutsi sitselo sekucala silungele kuvunwa. Bantfwana bema gem bangavunwa kusuka ekucaleni kwemaviki lasitfupha kusuka ekulinyweni.Kuvundzisa
Kuvundzisa kwekucala kumele kunakwe ngaphambi kwekuhlanyela emhlabatsini longetulu wendzawo yekuhlanyela. Kushiyane ngemphumela weluhlolo lwemhlabatsi kanye nesilinganiso sa 600 kg ngelihekitha lwa 2:3:4 (30) lelinganakwa. Loku kuyatfolakala kuletitjaloletincane ngekushesha futsi kutovusetela kuhluma kanye nekukhula kwetimphandze. Emavikini lamane ngemuva kwekulima ngesikhatsi lesitjalo sesihleti futsi sikhula kahle kufaka kwesibili kwe 350 kg kuhekitha lwa 2:3:4 (30) kungafakwa ngasemalayinini esitjalo bese agezeka angene ngekunisela.Kufaka kwesitsatfu kwe Nitrogen kungentiwa umangabe lokukhula kwalesitjalo kuyinkinga futsi kudzinga wona. Lokungaba ngu 250 kuya ku 400 kg kuhekitha lwe LAN (28) lungaba ngulolutfolakalako. Lokulingana kweluvelo emantini ekuvundzisa ngendlela yekunisela ngematfonsi nayo ingafakwa umangabe indlela yekunisela ngematfonsi ifakiwe.
Kunisela
Silinganiso lesisemkhatsini wemamilimitha lamashumi lamatsatfu nemashumi lamane ekunisela ngetikhatsi sekukhula kumele kubengulokwenele. Loku kungakhuliswa noma kwehliswe kungashiyana ngesimo selitulu. Kulungile kufaka phindze nekunisela ngematfonsi njengoba loku kugcina lamacembe lomile nalayimphilo kanye nekuphefumula lokuya ekuncipheni. Kuvundzisa lokunakiwe lokucondziswe ekusukeni kwetimphandze nako kuyasebenta kakhulu.Kunakekela kungentiwa hhayi kunisela kakhulu njengoba ema gem squash ayincelencele kutifo tetimphandze umangabe emanti lamile endzaweni yetimphandze akheka. Umakusetjentiswa indlela yekunisela ngekufutsa ngetulu kusetjentiswa, yetama kuciniska kutsi lamacembe omile ngaphambi kwekwehla kwebusuku kunciphisa lelitfuba letifo tekutselelana. Phindze kuyecwayiswa kutsi kuvele kunakwe bumantana bemhlabatsi kantsi futsi lokusebenta kakhulu kutsi kufakwe emamitha emhlabatsi lofutfumele nalomantana.
Translated by Phindile Malotana