Phatlalatšo
Phatlalatšo ya Gem squash e tšwa go peu.Mokgwa wa go Bjala
Pšalo ya Gem squash e ka ba ka go bjala peu thwii ka plantere goba ka seatla mo lefelong le le nnyane. Pšalo ya dibjalwana tše nanana tša gem squash lr yona e ka dirwa ka go tšweletša dipeu ka gare ga ditrei ka ntlwaneg mo nakong ya matšatši a mafelelo a marega le ge maemo a boso a le maleba go bjala dibjalo tše nanana mo tšhemong. Ka go bjala dibjalo tše nanana motšweletši goba molemi a ka boloka nako gomme a thoma go buna mo bekeng tše 2 go 3.Katologanyo
Dibjalo tša Gem squash di swanetše go ba le katologanyo ya go lekana 50 cm ka ntle ga direi le go a 120 cm ka ntle ga direi. Ye e ka ba dibjalo tše 16 000 godimo ga hektare. Mehuta ye mengwe ya go feta e bewa kgauswi le dibjalo tša go lekana 20 000 godimo ga hektare.Bjala le Nako ya go Bjala
Nako ye kaone ke ge mmu o thoma go ruthela ka nako ya seruthwane le tšhwaane e fetile. Ka tlwaelo ke ka kgwedi ya Agostose mo mathomong a kgwedi ya Setemere. Gem squash e ka bjalwa go fihla ka morago ga nako, ka Feperware ge boso bo nepagetše. Di bjetšwe le go bunwa mo dikgweding tša marega mo mafelong ao a se nago tšhwaane.Nako ya go Mela
Gem squash e tšea magareng ga dibeke tše 10 le 12 gore seenywa sa mathomo se lokele go bunwa. Baby Gems di ka bunwa go tšwa dibekeng tše 6 tša pšalo.Nontšho
Monontšha wa mathomo o laolwago pele ga pšalo mo mmugodimong wa lefelo la sebjalo. Go ya ka dipoelo tša tshekatsheko ya mobu le palogare ya 600 kg godimo ga hektare ya 2:3:4 (30) e ka dirišwa. Se se a hwetšagala go dibjalwana ka pela gomme e tla hlohleletša kgolo ya mathomo le tlhabollo ya medu. Ka morago ga dibeke tše ka bago 4 dibjalo di tseneletše ebile di mela gabotse, gašo ya bobedi ye ka bago 350 kg godimo ga hektare ya 2:3:4 (30) di ka šomišwa go bapa le direi tša dibjalo e be e hlatšwa ka nošetšo. Naetrotšene ya boraro e ka šomišwa ge go na le mathata a go mela ga sebjalo gomme se e hloka. Ka tlwaelo 250 go 400 kg godimo ga hektare ya LAN (28) e lekane. Seela sa go lekana sa monontšha ka mathopo wa nošetšo se ka dirišwa ge mathopo wa nošetšo o kgonne go hlongwa.Nošetšo
Palogare ya gare ga 30 mm le 40 mm ya nošetšo mo sehleng sa go mela e lekane. Se se swanetše go okeletšwa goba go theošwa go ya ka maemo a boso. Go kaone go lokela mathopo le go nošetša ka mathopo ka ge se se dira gore matlakala a ome ebile a hlweke le go theoša moyafalo. Monontšha wo laolwago mo medung o dira ka go phethagala.Go swanetše go elwa hloko gore gem squash ga ya swanela go nošetšwa go feta ka ge e ka humana malwetši a medu ge e hwetša meetsi a mantši kudu. Ge o šomiša nošetšo ya go foka, leka go netefatša gore matlakala a omile pele ga go fokotša go thible phetetšofankase. Gape go eletšwa gore o hlokomela monola mmung gomme tsela ye šomago gabotse ke go tsenya dimetara tša monola.
Translated by Lebogang Sewela