Leina la go tlwaelega: Gem Squash
Gem squash e hlolegilego ka bogareng bja Amerika.
Tlhalošo ya Sebjalo
Gem squash ke sebjalo sa morara wa cucurbit e mela dienywa tše nnyane, tša mmala wo motala wo o fifetšego wo ka bago 80 go 100 mm - 11 mm ka molagare. Sebjalo se mela bobedi matšoba a tona le a tshadu gomme pollinator ye kgolo ke nose. Ka fao go kaone go reka mapokisi a dinike goba go mašemong. Sehlopha sa dinose se phetšege gabotse se netefatša pollination ye botse. Sebjalo se na le modutona wo o ka theogago go ya go 60 cm, e fela medu e ka godimo ga 20 go 30 cm godimo ga mmu gomme ke medu ye e dirago bontši bja mošomo ka go aba meetse le phepo ya dibjalo mme mafelelong seenywa. Peu ya sebopego sa cavity e ka gare ga dienywa.Tšhomišo
Gem squash di bedišwa gomme mokgopa wa serolane o lewa bjalo ka merogo. Gape di ka lengwa bjalo ka merogo ye nnyane e be di lewa.Dinyakwa tša Mmu le go Apea
Gem squash e nyaka mmu w sehlaba go ya go seloko le wo omilego. mmu wa pH o swanetše go ba magareng ga 6 le 7. Diteng tša tlhago ya mmu di swanetše go ya godimo ga palogare. Koketšo ya manyoro goba mmutele e a eletšwa.Pele ga ge o thoma go beakanya lefelo la go bjala dibjalo, motšweletši o swanetše go tšea dišupommu go tšwa go moemedi wa lefelo leo go tlogo bjalwa. Dišupommu di swanetše go sekasekwa kua laporathoring ya maleba go netefatša gore dinyakwa tša phepo ya mmu. Ge o beakanya mmu wa go bjala go kaone go tlhanyaolola popego ya mmu ka go leka go pšhatla mm go ya fase go 600 mm go ya go 800 mm. Se se ka thuša kelelatšhila ya mmu gomme go tla netefatša medu ye itekanetšego ya go phela gabotse.
Mo dibeke tše ka bago 5 go 6 pele ga pšalo ya phepo ye e nyakegago ka ga tshekatsheko ya mobu di swanetše go dirišwa. Se se ka ba kalaka ya pH goba manyoro le super-phosphates. Lokela setlabela se mmung, o di lemgwe ka godimo ga 450 mm ya mmu. Se se lema le mašaledi a dibjalo le mengwang tšhemong, gomme e dumelela phepo le dibolang go tsenelela ka gare.
Beke pele ga pšalo dintlha tša trace le monontšha wa pele ga pšalo di ka dirišwa go bjala lefelong leo le go lemela ka harrowed goba rotavator go mmu wa go lekana 20 cm, go beakanya mmu wa godimo wa go bjala peu le dibjalwana tše nanana.
Diloto di a gogwa le plastiki goba dekhupetšo di a beiwa go thuša ka taolo ya ngwang le monola mmung.
Boso
Gem squash ke sebjalo sa go rata klaemete ye borutho gomme mo Afrika Borwa se bjalwa mo sehleng sa seruthwane le ka selemo. E ka bjalwa ngwaga ka moka ge dithemperetšha di sa tonye kudu le ge go se na le tšhwaane. Ga e kgone go kgotlelela tšhwaane. Dipeu di thoma go gola ge themperetšha ya mmu e fihlela 16°C+ le ge e le gore dimelo tša go swana di diragala ge themperetšha ya mmu le kgauswi 20°C.Dithemperetšha tše botse tše go mediša dienywa ke 20°C le 28°C. Sebjalo se se hloka meetse gomme se ka bjalwa mo lefelong la go oma ge go na le pula ye ntši. Poelo ye kaone e hwetšgala ge mafelo a nošetšwa.
Dikhalthiba
Go na le mehuta ye mentši ye mefsa ya dipeu ya mapastere gomme ge o nyaka go kgetha gem squash go kaone go kgopela keletšo ya agronomist, setsebi sa peu se kgethegilego le katološo ya selete.Mehuta ye mengwe ye tumilego kudu ke Gemini, Rolet le Smarag
Translated by Lebogang Sewela