Dzina lo doweleyaho: Gem Squash
Ibva kha zwipida zwa Central America.
U Talusa Tshimela
Hetshi ndi tshimela tshine tsha vha uri tsho ita thanda, tshine tsha vha na mitshelo ine ya vha mituku, ya muvhala mudala tsha tshipulumbu tshine tsha vha tshi 80 mm uya kha 100 mm nga diameter. Tshimela tshi ya kona u a nwa maluvha othe atshinna na tshisadzi kha tshimela tshithihi na hone tshibebisi tshihulwane tsha hone ndi notshi. Zwi vha zwa vhudi uri hune tsha tavhiwa hone hu vhe na fhethu hune ha vha uri ho fuwiwa notshi. Notshi dzine dza vha na mutakalo dzi ita uri muri u bebe zwavhudi. Tshimela tshi na mudzi une wa vha uri wo tsa u swika kha 60 cm, naho huna uri vhunzhi ha midzi i nntha kha 20 na 30 cm heyo midzi ine ya vha uri yo tsa ndi yone ine ya vha i tshi khou isa pfushi kha tshimela na madi na u swika kha mitshelo. Mbeu i vha hone kha tshithu tshine tsha vha uri tsho ita tshipulumbu vhukati ha mutshelo.Mushumo
Unga kona u dzi vhilisa lukanda lwa hone lwa muvhala wa tshitopi lu ya liwa sa muroho. Dzi ya dovha dza kaniwa musi dzi tshi kha di vha thukhu sa muroho mutuku dza liwa dzo fhelela.U Lugisela mavu na Zwine a Toda
Dzi funa mavu ane avha uri ana mutavha uya kha mavu avhudi ane a limea zwavhudi. Hune pH ya mavu ya vha vhukati ha 6 na 7. Zwa manyoro zwi fanela u vha zwo linganelaho. Zwa u shela manyoro zwi ya tutuwedziwa.Nga murahu ha musi u saathu thoma u tavha hune wa khou toda u tavha hone u fanela u thoma wa dzhia mavu ahune wa khou do tavha hone uri ayo toliwa. Hezwi zwa u toliwa zwi fanela u itwa nga vhathu vhane vha vha uri ndi dzi laboratory dzine dza vha uri ndi khulwane dzi ya divhea uri vha kone u vhona uri ndi pfushi dzi fhio dzine dza nga vha uri dzi khou todea kha mavu. Musi u tshi khou lugisela mavu u fanela u thoma wa alima uri zwithu zwine zwa vha uri azwi na mushumo zwi kone u bva kha tshimela wa wa lima zwa tsa u swika kha 600 mm uya kha 800mm. hezwi zwi ita uri mavu akone u dzhena zwavhudi madi na midzi i kone u dzhena zwavhudi.
Ho sala vhege dzine dza swika thanu uya kha dza rathi u saathu tavha sa zwine zwa nga vha zwo todea musi hu tshi khou toliwa mavu. Hu nga kha di vha lime ya pH i tshi khou lugiswa kana manyoro na dzi super-phosphates. Uri hezwi zwi kone u dzhena kha mavu, u fanela u zwilimela kha mavu anntha a 450 mm. hezwi zwithusa na kha u tahulela tshene, zwa dovha zwa tendela uri hu kone u dzhena dzi pfushi.
Ho sala vhege uri u tavhe u nga kona u dovha hafhu wa shela manyoro a musi u saathu tavha wa kona u tsitsa aswika kha 20 cm ya mavu anga nntha ngauri ndi hone hune ha khou do tavhelwa hone. Hu ya itwa dzi ndunduma dzine dza thusa na kha musi u tshi khou laula tshene na zwithu zwa u thaba ha mavu.
Mutsho
I funa mutsho une wa dudela kanzhi Afrika tshipembe i tavhiwa, Lutabvula na Tshilimo. Unga kona u i tavha nwaha wothe arali hune ya khou tavhiwa hone hu sa tou rotholesa. Ai koni u kondelela murotho une wavha uri wo kalula. Uri i kone u mela mufhiso wa hone u fanela uvha u 16°C+ ngeno uri dzi mela dzi tshi khou lingana zwi toda mufhiso wa 20°C.Uri i hule zwavhudi mutsho wa hone u fanela uvha u vhukati ha 20°C na 28°C. tshimela tshi ya funa madi tshi ya kona na u tavhiwa fhethu hune ha vha uri ho oma arali mvula dzi tshiiita dzi tshi na. Uri u kane zwithu zwine zwa vha zwavhudi zwi toda tshimela tshi tshi khou sheledziwa.
Tshaka dza Hone
Hu na tshaka nnzhi dzine dza vha uri dzo no tumbuliwa, na hone musi hu tshi humbuliwa uri hu itwe dzi thoduluso zwi vha zwa vhudi uri u wane tsivhudzo kha vha agronomist, kana vhane vha divha nga ha mbeu kana vha dzi ofisi dza hone.Dzinwe tshaka dzine dza divhea ndi Gemini, Rolet na Smarag.Translated by Khalirendwe Nekhavhambe