Taolo ya Sebjalo sa Gem Squash

Phetošopšalo

Gantši GO kaone go latela phetošopšalo ya mengwaga ye meraro go ya go ye mene. E sego bjalo, ngangafala mmu le tšhireletšo ya dibjalo di swanetše go hlomphiwa. Go kaone go boledišana le balemiši ba selete go hwetša keletšo ka mokgwa wo mokaone wa go šielana goba phokotšo ya dikotsi.

Poelo - Tonnes per Hectare

Conservative: 12 tonnes
Palogare: 20 tonnes
Botse: 30 tonnes

Puno

Puno e ka diatla. Diriša thipa e bogale goba dikara go sega thito ya dienywa tša gem squash gabotse. Tlogela kutu e ka ba 20 mm 15 mm go gem squash bjalo ka ge se se thuša ka poloko ebile go thibela malwetši go tsena mo dienyweng. Batšweletši ba bagolo ba diriša puno ye kgolo kudu go tloša dienywa mo nageng. Peakanyo ya tšhemo e a dirwa mo lefelong le.

Poloko

Gem squash ga e a swanela go bolokwa nako e telele ka ge mokgopa wa serolwane o thoma go oma. Poloko e swanetše go tonya le go oma gomme e sego sebaka sa go feta dibeke tše tharo. Gems tše nnyane di swanetše go bolokwa mo mafelong a dithemperetšha tše fodilego ka monola wa godingwana gannyane. Seenywa se sa le se nnyane gomme se swanetše go lewa ka pela ka moo go kgonegago pele ga ge letlalo le thoma go thatafala. Bjalo ka ge gem squash e kgona go bjalwa ngwaga ka moka gongwe le gongwe mo Afrika Borwa, ka lebaka la dihla tša go fapafapana, ga go hlokega go boloka. O ka no tšweletša go ya ka lenaneo tlhokego ya tšona.

Disenyi

Aphids, Armyworms, Bollworm, Cutworms, Nematodes, Spider mite, Thrips

Malwetši

Alternaria Leaf spot, Bacterial Wilt, Downey Mildew, Fruit Rot, Fusarium Wilt, Mosaic Virus, Phytophthora, Powdery Mildew
Go kaone go rerišana le motho yo a tsebago ka disenyi le malwetši a go hwetša lenaneo la dibjalo tša go šireletša dibjalo, nako ya tšweletšo le selete sa tšweletšo.

Translated by Lebogang Sewela