Go Atisa
Atiso ya sekwaše tsadiso e tswa mo peong.Mokgwa wa go Jala
Go jala sekwaše e ka nna ka go jala peo ka tlhamalalo go dirisa motšhene wa go jwala kgotsa ka seatla mo dipitseng di le nnye. Go jala ga matlhogela a sekwaše gape go dirwa ka go ntshakuno ya peo mo dithereing in dintlotaleng ka nako ya malatsi a bofelo a mariga le fa maemo a bosa a a maleba go jala matlhogela mo tshimong. Ka go jala matlhogela mmedisi kgotsa molemirui a ka boloka nako le go simolola go roba mo dibekeng tse 2 go ya go tse 3 go sa le gale.Sebaka
Dijalo tsa sekwaše di tshwanetse go bewa disentimetara di le 50 mo meleng ya kgaogantsho e e ka nnang disentimetara di le 120. Se ke dijalo tse di ka nnang 16 000 ka heketara. Dingwe tsa mefutafuta e e compact e beilwe mo sebakeng gaufi le e mengwe ka bontsi jwa dijalo tse 20 000 ka heketara.Go Jala le Nako ya Go Jala
Nako e e gaisang ke fa mebu e simolola go nna bothito ka nako ya dikgakologo mme serame se fetile. Se ka tlwaelo, ke kwa bokhutlong Phatwe le ka tshimologo ya Lwetse. Sekwaše se ka jalwa go fitlhela go nna thari jaaka Tlhakole fa maemo a bosa a nepagetse. Di ne di jetswe le go roba go ya mo dikgweding tsa mariga mo dikgaolong tse di senang serame.Lobaka lwa Go Mela
Sekwaše se tsaya fa gare ga dibeke di le 10 le 12 go ya maungoa a ntlha a a loketseng go robiwa. Dijeme tsa masea di ka robiwa go tloga ka go simolola ka dibeke di le 6 tsa go jalwa.Go Nontsha
Monontsha wa ntlha o dirisiwa pele ga go jala mo mmugodimong wa kgaolo ya semela. Go ya ka dipholo tsa diteko tsa mmu le bokana ba dikilogeramo tse 600 ka heketara ya 2:3:4 (30) o ka dirisiwa. Se se gona mo matlhogeleng ka bonako mme se tla rotloetsa tshimologo ya kgolo le tlhagelelo ya medu. Mo dibekeng tse di ka nnang 4 morago ga go jala fa dijalo di ntse sentle mme di mela sentle tiriso ya bobedi ya dikhikogerama tse di ka nnang 350 ka heketara ya 2:3:4 (30) di ka tshelwa go bapa le mela ya dijalo e bile e tlhatsweletswa ka nosetso. Tiriso ya naeterojene e ka dirisiwa fa go mela ga sejalo go le bothata mme e tlhoka yona. Dikhilogerama tse di ka nnang 250 go ya go di le 400 ka heketare ya LAN (28) ka tlwaelo e ka nne e e lekaneng. Selekani sa seedi sa monontsha ka thulaganyo ya go nosetsa ga go rothela le sona se ka nna sa direswa fa nosetso ya rothelo e tsentswe.Nosetso
Palogare ya magareng ga dimilimetara le 30 le 40 ya nosetso mo tsamaong ya nako yotlhe ya lobaka la go mela e tshwanetse go lekana. Se se tshwanetse go okoketswa kgotsa se fokotswe go ya ka maemo a bosa. Go botoka thata go tsenya le go nosetsa ka rothetso ka fa se se dira gore matlhare a nne a omileng le a a itekanetseng le mowafalo go ya kwa bonnyeng. Monontsha o o tsentsweng ka tlhamalalo mo kgaolong ya medi le ona o dira sentle.Tlhokomelo e tshwanetse go tsewa go se nosetse go feta tekano jaaka sekwaše se tlhaselwa ke malwetse a medu a fa mafelo a medu a tletseng metsi a tlhodilwe. Fa nosetso ya kgatshi e diriswa, leka go netefatsa gore matlhare a omile pele go nna bosigo go fokotsa kgonagalo ya ditshwaetso tsa nngadule. Gape go a gakololwa go baya leitlho bokana ba monola mo mmung mme e dirang go gaisa ke go tsenya dimetara tsa bongola jwa mmu.
Translated by Lawrence Ndou