Nhlamuselo ya Ximilani
Cauliflower i xiphemu xa ndyangu wunwe na broccoli, Brussel sprouts, khavichi na kale. Cauliflower yi vikiwa kuva yitumbuluke e South West Asia kumbe e Turkey.
Yita kusukela eka khavichi yale nhoveni endzhaku ka kuva yi hundze eka ku cinca cinca kotala, yivile eka xiyimo lexi yinga eka xona lexi hi xitivaka namutlha kwalomu ka 2000 wa malembe lawa yanga hundza.
Ximilani xina matluka lawa yo endla onge yana timbambu ya rihlaza kasi laha makumu ka wona yana xivumbeko xa saha lawa yanga rhandzela nhloko leyingana xivumbeko xa bolo xo basa xa bilomu kunga xona lexi dyiwaka eka ximilani lexi.
Nhloko leyi dyiwaka ya bilomu leringa kulangiki ngopfu ritlhela ri vuriwa “curd”.
Switirhisiwa
Ximilani lexi xina potassium nati Vitamin B na C. Xitirhisiwa tani hi xakudya lexi nyikaka ti carbohydrates leti hanyeke kahle na fibre. Hivumbirhi ka swona matluka nati florets swa dyiwa hambi leswi swidyiwaka ngopfu kunga nhloko yati florets kumbe curd.
Curd leyi hiyona yitshoveleriwaka kutani ti florets ti swekiwa kumbe ti virisiwa kuringana nkarhi wokoma. Ti florets ta dyiwa hambi tinga swekiwangi eka tisaladi. Titlhela titirhisiwa ku endla supu.
Swilaveko na Ndzulamiso wa Misava
Swikahle ku byala cauliflower eka misava ya sandy loam leyi yinga fuwa hi swakudya naswona yitswongaka kahle mati. Misava leyingana pH yifanele kuva yiri exikarhi ka 6.5 na 7.
Lulamisa misava kahle loko ungase byala kunyika mayoro lawa yanga cheriwa nkarhi wakahle yaku tshamiseka. Sungula hiku teka swikombiso swa misava.
Loko kuri na leswi faneleke ku cheriwa leswi lavekaka kufana na lime ya pH kumbe swakudya swa misava kufana na manyoro, kutani leswi swi hangalasiwa kuya hi switsundzuxo leswinga nyikiwa swa miasava yoleyo.
Leswi swi endliwa kwalomu ka 4 wa mavhiki loko kunga se byariwa. Loko kuri na swimilani swo engetelela swa rihlaza leswifaneleke swibyariwa loko kungase byariwa cauliflower, leswi swifanele ku endliwa kwalomu ka 12 wa mavhiki loko kungase byariwa cauliflower leswaku swimilani swo engetela swita kuma nkarhi waku humelela.
Kwalomu ka 4 wa mavhiki kusuka eku byaleni, swimilani swo engetela swa rihlaza swa tsemiwa. Kutani swirimeriwa e hansi ka misava kwalomu ka 500 mm wa misava yale henhla xikan’we na compost, manyoro, lime nati superphosphate, loko swilaveka.
Landzelela endzhaku ka vhiki hi disc harrow leyingata levela misava kutani yi tsema kutani yirimela ehansi thyaka leringavaka risele eka 20 cm ya misava yale henhla. Eka vhiki ro hetelela loko kunga se byariwa, hundzisa nakambe disc harrow ro hetelela.
Leswi swikatsa manyoro lawa yanga cheriwa xikan’we naku dlaya nhova leyingavaka yi sungule ku mila xikan’we naku levela ndzhawu leyi kungata byariwa eka yona hiku lulamisela kubyariwa.
Maxelo
Cauliflower yina maxelo yohambana hambana yo kulela eka wpna lawa ya sukaka eka 15°C kuya eka 24°C naswona yinga byariwa nale ka tindzhawu letinga hola.
Kambe ayi mili kahle eka mahiselo lawa ya titimelaka swinene lawa yanga le hansi ka 5°C kumbe laha kuhisaka ngopfu laha kungavaka ehenhla ka 30°C kuringana nkarhi woleha. Eka mahiselo yalawa, kukula ka curd swa kavanyeteka swinene.
Swibyariwa
Kuna minkatsakanyo yotala leyinga endliwa leswaku yikota ku kondzelela naku tisa ku famba na maxelo eka tindzhawu leti yi humelerisiwaka eka yona.
Switshama swiri kahle swinene kukuma switsundzuxo eka muxavisi wa mbewu wale kusuhi na wena kumbe extension officer tani hileswi vangaku tsundzuxaka ku antswa eka leswi swinga lulamela maxelo ya ndzhawu leyi u lavaka ku byala kona.
Tinxaka tinwana kuti languta hi leti: Arano, Huntsmen, Juneau, Sabadel, Synergy, TSX C22, TSX C40 na White Gold.
Translated by Ike Ngobeni