Thôbô (di-tonnes mo hekethareng)
Ntshô-kungô ka botlalo e fitlhelwa fela morago ga dingwaga di ka nna tlhano.E e lekaneng: 5 tonnes
E e magareng: 8 tonnes
E e siameng: 12 tonnes
Kotulo
Kotulo e tshwanetse go simolola mo ngwageng wa bobedi go neela dikorone tsa asparagus nako go ka gola le go nonofa. Ntshô-kungô ka botlalo e tshwanetse go ka fitlhelelwa ka ngwaga wa botlhano. Tsela e e gaisang ya go kotula asparagus ke ka seatla ka go dirisa thipa ya sebopego sa tšhisele.Fela fa morago ga gore marumo a asparagus a tlhagelele gotswa mo mmung le pele dintlhana di nna le sebaka sa go phatlhalela, a segwa mo boleeleng jo bo ka nnang 50mm gotswa mo boalong jwa lefatshe, go tlhagisa marumo a asparagus a boleele jo bo ka nnang 200 goya go 250 mm. O seke wa tlogela asparagus go tlhoga botelele thata fa godimo ga mmu, ka ge e latlha tatso ya yona e e gautsegang mme e nne thata.
Asparagus gape e ka kotulwa ka metšhine ya kotulo, fela seno ke tsamaiso e e sa tlhopheng, ka jalo le fa ele mokgwa o o bonako ebile o le tlhwatlhwa-tlase, o ka fokotsa thôbô ka 40%.
Poloko
Asparagus e senyega-senyega fela mme go botoka go ka e rekisa ka bonako jo bo kgonagalang. Kotula mme o fodise asparagus mo dithemphoritšhareng tse di mo magareng ga lefela le 2 degrees centigrade. Bongôla mo lefelong la poloko bo tshwanetse go ka tsholwa kwa godimo ga 90% go thibela komelelô ya marumo. Mo maêmông ano asparagus e ka bewa malatsi ale 14.Asparagus e tshwanetse go ka bolokwa le go bewa e emeletse ka gonne marumo a tswelela go taologa morago ga kotulo. Fa a sa tsholwe jaana a ka kobega mme ka jalo a se rekisege.