Mbuyelo (tonnes per hectare)
Kuhumelerisa loku heleleke kufikeleriwa endzhaku ka ntlhanu wa malembe.Hintolovelo: 5 tonnes
Exikarhi: 8 tonnes
Leyinene: 12 tonnes
Ntshovelo
Ntshovelo wufanele kusungula eka lembe ravumbirhi leswaku ti asparagus crowns tita kuma nkarhi waku kula no tiyela. Kuhumelerisa loku heleleke kunga fikeleriwa eka lembe ravu ntlhanu. Ndlela ya kahle ya ntshovelo wa asparagus hiloko u tirhisa voko na mukwana lowu fanaka na chizele.Endzhaku kaloko ti asparagus spears tihuma kusuka e hansi ka misava naswona tinga se hangalaka, ta tsemiwa hikwalomu ka 50 mm ehansi ka misava leyi humelerisaka ti asparagus spears ta kwalomu ka 200 kuya eka 250 mm hiku leha. Unga pfumeleri ximilani xa asparagus kuva xikula xileha ngopfu e handle ka misava hikuva xita hatlisa ku lahlekeriwa hi nantswo naku tiyela.
Asparagus yinga tlhela yitshoveriwa hi muchini, kambe maendlelo lawa aya hlawuli hambi leswi ya hatlisaka swinene nakuva ya chipilelaha ya hungutaka ntshovelo hi kwalomu ka 40%.
Nhlayiso
Asparagus yi hatlisa ku bola naswona yixavisiwa hiku hatlisa endzhaku ka ntshovelo. Tshovela kutani u hlayisa asparagus exikarhi ka zero nati degrees centigrade timbirhi. Ndzhawu leyi kufumelaka ya nhlayiselo yifanele yi vekiwa ehenhla ka 90% kusivela leswaku ti spears tinga omi. Eka swipimelo leswi asparagus yinga hlayisiwa kuringana 14 wa masiku.Asparagus yifanele ku hlayisiwa xikanwe naku vekiwa yiyimele e henhla hikuva ti spearsti ala taha leha naloko se ntshovelo wuve kona. Loko tinga vekisiwi xisweswo tita gombonyoka leswingata endla leswaku tingaha xaviseki.