Mo meetlong ya sechaba sa baKhoi le bathibeledi bantlha (early settlers) ba kwa Kapa, se ne se dirisediwa go phekola matlhoko a mala, go tsoseletsa maikutlo a boitumelo le go idibatsa mesifa e e tiileng. Ba ne ba dumela le se kgona go godisa meriri ya tlhogo, go fodisa tshwakgogo (addiction) le go koba maikutlo a a maswe (negetive emotions).
Fela jaaka Rosemary, Cape Snowbush e na le bokgoni ba go tsoseletsa mafolofolo a mongwe, mme e na boleng mo bathong ba ba fokolang ka bolwetse ba manyaapelo (antidepressant), e bile, se ka go fokoletsa maikutlo a seterese (stress), go sa nnisege (anxiety) le kgalefo (anger).
Oli e, e kokobetsa go tlhotlhona (spasms) ga mesifa ya mmele, mafatlha le mala, mme e kgona go kgaotsa phallo ya madi. E bolaya megare, mme e thusa mmele kgatlhanong le go tshwaetsega (infections). E dirisediwa go phepafatsa mmele, maswe a a borai, (toxins) ka go a tsamaisa mala (diaretic). E phekola sefuba (chest cough), mofikela (cold and flu) le go fodisa tlhogo (headache). Fa o ka fogotlha matlhare a setlhatshana se o tla utlwa a ntsha monko oo monate wa camphor.
Ditlhatshana tse, di mela le go gola ka bontsi kwa Namaqualand le kwa Bophirima le Botlhaba jwa Kapa. Mmala wa matlhare a sone a a selefera a kgona go galaletsa kganya ya letsatsi, go fokotsa temperetshara ya letlhare le go thusa kgatlhanong le go latlhegelwa ke metsi ka mokgwa wa go nna mowa kgotsa evaporation. Se ke enngwe ya ditsela tse sejalo se se kgonang go iphodisa, le go tshela kwa mafelong a komelelo (arid). Eriocephalus e rata mafelo a letsatsi le le ntsi le mmu o o omeletseng (well drained/sandy).