Ngokomdabu yayisetshenziswa ngamaLawu nezifiki zokuqala zaseKapa ekwelapheni isisu, ukuthokozisa umphefumulo nanjengomuthi wokuqed’ukukhathala. Futhi kwakucatshangwa ukuthi isiza nasekukhuliseni izinwele, iqeda nejwayezi lotshwala nogwayi nokudedela imizwa emibi.
Njengerosemary, iCape Snowbush inikana amandla futhi isebenza njengomuthi wokuqeda inkathazeko, iqede nomuzwa wengcindezi, uvalo nentukuthelo.
Amafutha ayo alapha inkwantshu (eyomsipha, eyomphefumulo, eyesisu) futhi ayasebenza ekumiseni ukopha. Avimba nokubhibha kwezilonda futhi anezithako zokubulala amagciwane ezivikela umzimba ekungenweni izifo. ICape snowbush iyasetshenziswa futhi njengesichamisi (sokukhipha ubuthi emzimbeni), ilaphe ukukhwehlela nemikhuhlane bese idambisa nekhanda. Uma ushuka amacembe, lesi simila sithaphuka iphunga likazamlandela.
Imila kakhulu eNamaqualand, eNtshonalanga naseMpumalanga Koloni. Amacembe asiliva asiza ukuphebeza ukukhanya, anciphise ukushisa nomhwamuko. Lena ngenye yezindlela lesi simila esiphila ngayo silondoloze amanzi uma sikhula ezimweni zobugwadule. I-Eriocephalus ithanda ilanga elithe ga nomhlabathi owomile.