Switirhisiwa swa wona swantolovelo hi rixaka ra Khoi navahlampfa lavanga fika eCape aswikatsa ku tshungula swivavi swale khwirini hambi ku cinca matitwelo naku wisisa miri. Kutlhela kuvikiwa leswaku wupfuna swinene eka kukurisa misisi, kuherisa mintolovelo naku tshikisa matitwelo yoka yangari kahle. Kuyelana na rosemary, Cape snowbush yina vuswikoti byo pfuxelela hambi kutirha tani hi kususa ntshikelelo, kususa matitwelo yantshikelelo, nkelunkelu no kwata.
Mafurha ya kona ya susa ntshikelelo eka timayisele, ku hefemula, na mpfuvelo xikan’we no yimisa ku huma ngati. Swinwani leswi mafurha lawa yaswikotaka iku sirhelela miri eka mavabyi. Yatlhela yakota kususa swilo leswinga akeku mirhi eka munhu, yi horisa mukhuhlwani, ku khohlola no horisa ku pandza ka nhloko. Ku chukuchela matluka ya nsinya lowu, swinyika nuhelo wakahle wa camphor.
Xisinyani lexi ximila ngopfu e Namaqualand, Western na Eastern Cape. Matluka lawa ya muhlovo wa silivhere ya pfuna ku tlherisa miseve ya dyambu, kuhunguta mahiselo kumbe matitimelelo ya matluka xikan’we no huma ka mati amatlukeni hikwalaho ka dyambu. Leyi hiyin’wani ya tindlela leti ximilani lexi xikotisaka swona kuhlayisa mati loko ximile laha kupfumalekaka mati. Ximilani lexi xa Eriocephalus xitsakela dyambu leriheleleke xikanwe na misava leyi kotaka ku tswonga mati.