Ditiriso tsa setso di akaretsa go titielwa jaaka tee (ka fao leina Bushman’s tea), go tlhafunwa ke Basotho le BaXhosa go okobatsa kgokgotso e e botlhoko, fa BaVenda ba nwa metsi a medi le a matlhare go ntsha bomotlhampepe. Dikalana, tse di ntshitsweng matlhare, di dirwa mafielo. E ne gape e diriswa mo go tlhatsweng madi, go alafa tlhogo e e opang le go itsukula fa o na le ditshwaetsego tsa kgokgotso le tatlhegelo ya lentswe. Mo dikarolong dingwe tsa borwa jwa Afrika go dumelwa fa ele aphrodisiac.
Go na le tshedimosetso e potlana e e leng teng ka ga ditswakwa tsa twantsho-megare le twantsho-mouta tse di leng mo Athrixia, le fa ditiriso tsa yona tsa setso di supa kgonagalo ya bo-antimicrobial. E ne gape e dirisetswa go alafa mathata a pelo, bolwetse jwa sukiri, letshololo le kalafo ya malwetse a thobalano.
Dipatlisiso tsa Afrika Borwa di supa ntshô e e kwa tlase ya oli e e botlhokwa ya menkgo ya vanilla, caramel le mamepe. Fela menkgo eno, ga e bogale mo go lekaneng gore Athrixia e diriswe mo bodirelong jwa perfume, fela e ka nna le ditiriso jaaka setsenya-tatso mo dijong le dinong. Matlhare a ka nna le boleng jwa kgwebisano jaaka tee ya mere e e senang caffeine e e humileng ka antioxidant.
E kutulwa gantsi kwa nageng, dijalo tsa kgwebo tse di potlana di tlhamilwe jaaka mafelo a diteko kwa diporofenseng tsa Afrika Borwa tsa KwaZulu-Natal, Mpumalanga le Limpopo.
Ditlhatshana di gola kwa nageng kwa dikarolong tse di kwa botlhaba jwa Afrika Borwa, mme e fitlhelwa mo mafelong a a matlapa le a mekgokologo, gotswa kwa dinageng tsa tlhaga goya kwa dikgweng. E jalega go gaisa gotswa mesegông, e thata mme e rata letsatsi.