I-Bushman's tea (Eng) ebizwa itiye yabathwa/ngesingisi, Boesmanstee (Afr/ngesibhuru), Icholocholo, itshelo, umthsanelo (ngesiZulu), inamakari ahlaza okudephileko athambileko namathuthumbo (Eng) aphephuli kusitjalo sengadi esithandwako begodu zintjalo sendabuko lapha eSewula Africa. Sisetjenziselwa ukwenza itiye (ngikho sibizwa bona yitiye yabathwa) amaXhosa kanye nabeSotho nabasihlafunyako sibapholisa umphimbo, lokha amaVenda asela umrabhu waso kanye namakari waso ukuqotha amapharasayidi.Iziqu zazo nazisuswe amakari, kwenziwa ngazo umthanyelo. Sisetjenziselwa ukugeza igazi, ukupholisa ihloko nokurharhaza lokha nawuphethwe mphimbo nalokha nawukhambe iphimbo.
Kwezinye iincenye zeSewula Africa kukholelwa bona line-aphrodisiac. Kunelwazi elincani elikhona ngehlanganisela eqeda amabhaktheriya, kanye neemilwane ezikhona e-Athrixia, nanyana ngokwesiko sirhona ukuqeda nanyana ukulapha i-antimicrobial efficacy. Lisetjenziselwa ukwelapha ubulwelwe behliziyo, iswigiri, ukuthulula kanye namalwelwe wezomseme, irhubhululo leSewula Africa litjengisa bona ukukhiqizwa amafutha aneenthako ze-vanila, caramel kanye neliju. Amaphunga waso, nanyana kunjalo akakaqini ngokwaneleko ukobana ingasetjenziselwa i-Athrixia ebubulweni lamakha kodwana ingasetjenziswa njengesinongo sokudla kanye neenselo.
Amakari waso kungarhwetjwa ngawo njengekofi ezele ama-antioxidant kanye netiye yamakhambi Ivamise ukuvunwa esifundeni sakwaZulu-Natal, Mpumalanga kanye ne-Limpopo eSewula Africa. Imitjhana yayo ikhula epumalanga yeSewula Africa, begodu sitholwa eendaweni ezinamatje nezikhuphukelako, kanye nemahlathini. Sitjalwa kuhle lokha nasikerwe kwesinye, siqinile begodu sithanda ilanga.
Ukwala Kwezemaphilo
Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.Translated by Busisiwe Skhosana