Athrixia Yitlhela yi Vuriwa Tiya ya ma-Bushman
Yitlhela yitiveka tani hi tiya ya ma-Bushman (Eng.) Boesmanstee (Afr.), Icholocholo, itshelo, umthsanelo (isiZulu), Athrixia phylicoides laha yingana matluka ya rihlaza ro dzwihala xikan’we na matluka ya muhlovo wa purple naswona lexi i ximilani xa ndhuma exirhapeni nale nhoveni ya Dzonga nale xikarhi ka Afrika. Switirhisiwa swa yona swantumbuluko kumbe ndzhavuko swikatsa ku swekiwa tani hi tiya (hikwalaho na vito ringe Bushman’s tea), yinga cakunyiwa ku horisa mikolo leyi vavaka hi vanhu va rixaka ra va Sotho na ma-Xhosa, kasi ma-Venda vanwa mati lawa yasalaka loko kuswekiwe timintsu na matluka ku hlongola switsotswana. Tshindi ra kona, lawa yanga susiwa matluka ya tirhisiwa tani hi nkukulu wo kukula rivala. Ayitirhisiwa naku basisa ngati, ku tshungula ku pandziwa hi nhloko, xikan’we naku kucunga nomo loko mikolo yi vava kumbe ufe rito. Eka swiphemu swin’wana swale Dzongeni wa Afrika kutshembiwa leswaku yipfuneta swinene eka timhaka ta masangu.
Kuna vuxokoxoko byintsongo swinene lebyinga kona mayelana na vukona byati antibacterial nati antifungi letinga kona eka Athrixia, hambi switirhisiwa swa yona swa ndzhavuko swihlamusela swinene hivuswikoti bya ti antimicrobe. Yitlhela yitirhisiwa ku tshungula swiphiqo swa mbilu, diabetes, nchuluko xikanwe na mavabyi ya venereal. Vulavisisi bya Afrika Dzonga byikomba mbuyelo wuntsongo wa mafurha ya nkoka lawa yangana nantswo wa vanilla, caramel na honey. Nantswo na risima, hambiswiritano, aswiringanelangi kuva Athrixia yi tirhisiwa ku endla swinuherisi, kambe switirhisiwa kuva switisa nantswo eka swakudya na swonwa swona. Matluka yakona yanga xaviseka tani hitiya leyinga fuwa hiti antioxidant, yi pfumala caffeine, xikanwe na mitsembyana.
Yitala kutshoveriwa swinene enhoveni, swibyariwa swinwana leswinga kona kuva yixavisiwa swi byariwile tani hi tindzhawu ta swikambelo e swifundzheni swa KwaZulu-Natal, Mpumalanga na Limpopo etikweni ra Afrika Dzonga. Swihlahla kumbe swinsinyana swakona swimila evuhuma dyambu bya tiko ra Afrika Dzonga naswona swikumeka emaribyeni na tindzhawu letinga voyama kusuka laha kunga tala byasi kuya eswihlahleni. Yi byaleka kahle hiku tsemiwa uya byala naswona yitsindziyerile yitlhela yi rhandza dyambu.
Disclaimer ya Swavutshunguri
Vuxokoxoko lebyi i byo dyondzisa xikan’we no nyika vuxokoxoko naswona swinge tekiwi tani hi switsundzuxo swa vutshunguri. Vuxokoxoko lebyi abyi kongomisiwangi eka kuyimela switsundzuxo swa vutshunguri kumbe kutshunguriwa loku ku nyikeriwaka hi lavanga leteriwa eka swavutshunguri.
Translated by
Ike Ngobeni