Diapole ke o mong wa mefuta ya ditholwana e ratwang le ho hlahiswa lefatshe ho pota. Difate tsa diapole kapa Malus pumila e simolohile Asia Bohareng mme esale e lengwa Asia, Europe le America Leboya ka mengwahakgolo. Tlhahiso le tshebediso ya diapole ho bohlokwa meetlong e mengata mme jwaloka tholwana, apole e bohlokwa meetlong e fapaneng.
Diapole ke ditholwana tse fellwang ke nako, tse melang difateng. Difate tsa diapole di thunya ka nako ya selemo mme di nontshwa ke dinotshi. Tholwana ena e jowang ebile e na le letlalo le jehang mme e hola ka selemo le lehlabula, e butswa mafelong a lehlabula kapa mathwasong a lehwetla. Difate tsa diapole di ka lengwa ka peo empa bakeng sa tlhahiso ya kgwebo, di atiswa hangata ka ho hokahanya mefuta e labalabelwang metsong e hlokang mafu.
Mefuta e fapaneng e a lengwa bakeng sa ditatso tse fapaneng hammoho le bakeng sa merero e kgethehileng jwaloka ho sebediswa di le jwalo kapa ho di pheha hammoho le bakeng sa lero le tlhahiso ya jwala (cider).
Translated by Maletsatsi Sejake
Diapole ke tse ding tsa ditholwana tse ratwang le ho hlahiswa haholo....