Emabele kumele avunwe kusesekuseni kwentela kuvikela kufa, kuvuna-nakucala kukhula kanye nekulinyatwa tinyoni, kepha lokusemuva lokwenele kwemabele kutsi ome. Kuvuna kahlekahle kucala ngesikhatsi bumantana lokwetfwele kwemabele kunganga 16%, kepha kungaba ngaphansi nganga 13% ngesikhatsi lamabele atogcinwa noma afakwe. Tinhlobonhlobo letivama kulahlekelwa tindumbu, lokutsiwa kugamuka, kumele tivunwe ekucaleni bese tiyomiswa. Kuvunwa kwemabele kucala kusuka ngenyanga yeLweti neyeNgongoni etindzaweni tekwehla kwetimvula tasebusika bese muva etindzaweni tekwehla kwetimvula tasehlobo.
Avunwa Njani eMabele
Atsi emabele angavunwa ngesandla ngemukhwa lomkhulu, imishina yekuvuna iyanconyotwa njengalenye indlela ngesikhatsi unetindlela letinkhulu tendzawo letidzzinga kuvunwa ngesikhatsi lesilungele. Bavuni labahlanganisiwe bayakhona kujuba phindze bahlukanise lamabele kusuka kulesinye sitjalo nalokuvalile lokomile.
Umkhicito Lolingene weMabele
Umkhicito lolingene wemabele kuhekitha linye ushiyana ngesimo selitulu, lendzawo lapho khona lamabele akhicitwa, letinhlobonhlobo kanye nelizinga lemhlabatsi. Umkhicito ungalingana uhambele ku 2.5 wemathani kuhekitha linye endzaweni leyomile phindze ngaku 5 wemathani kuhekitha etindzaweni letiniselwako.
Kuhlelwa kwe Mabele
Emabele eNingizimu Afrika ahlelwe ngekwesintfu ngetigaba letine ngekuma lokutfwelwe ngemaprotein, sisindvo semalitha lalikhulu nenombolo lewako, le konkhe kuyinkhomba yelinani lekubhaka kwemabele. Sisindvo semalitha lalikhulu ngulesisindvo sekusindza kwemabele. Kube lokuwa kwetinombolo sikalo lesisho kusebenta kwe enzymes kunani lemabele.
Kuze kuphumelel njenga B1, lamabele lasetjentiswako atfwele emaprotein lamancane a12%, sisindvo semalitha lalikhulu a77 kg ngemalitha kanye nenombolo lewako yemizuzwana lemakhulu lamabili nemashumi lamabili, naletidzingeko letehliswe nge B2, B3 na B4 ku 8% kuphela wemaprotein, 70 kg kumalitha lalikhulu nemizuzwana lelikhulu nemashumi lasihlanu kwentela sigaba lesisetjentiswako.
Indlela lensha yekugala, letfulwe ngemnyaka wa 2019, isetjentiselwa kutfutfukisa umkhicito wemabele lofaka imali. Ngekusho lokucondziswe kuloku, sigaba lesikhulu lesinsha sesisunguliwe kwentela emabele latfwele langetulu kwa 12% kwentela kuvulela emabele lakhicitiwe ngaphansi kwendlela yekuniselwa. Lolokutfwele emaprotein etigaba tesintfu kungancishiswa kuyephansi kusuka ku 12% kuya ku 11.5% Sigaba sa B1, kusuka ku 11% kuya ku 10.5 kweSigaba sa B2 na 10% kuya ku 9.5% kweSigaba sa B3.
Lomehluko welinani phakatsi kwetigaba nawo sewuncishisiwe kuyaphansi, nalomehluko losemkhatsini kwa B1 na B2 lokushwaphana kuye ku 15 nawucatsanisa ngalokwengcile ngesikhatsi kukukhulu nganga 4%. Lokubita kwelinani lokusemkhatsini wa B1 na B3 kutobese kuyashwaphana kuye ku 3% kuphela.
Kugcinwa kwe Mabele
Lelapho balimi labaphuyile-bangagcina emabele abo ngetinhlobo letiningi letehlukile temagcoma, letihambela kusuka kutikhwama letihamba ngendlela yemihambo kuya phansi emigodzini, lendlela kutsi kutfolwe lamabele lasetitolo tetinhlavu ngekushesha lokukhulu kwentela kwehlisa kulahlekelwa-nakusondzela sikhatsi sekuvuna lokubangwa kutselelana, bumantana noma tilwanyana letiphila kuletinye.
eNingizimu Afrika, balimi bangasebentisa tikhwama tekugcina emabele kwentela kwehlisa kulahlekelwa babe bamele incola yekubutsisa emabele, kube kumabhilidi lamadze ekugcina emabele lasepulazini noma emabhilidi lamadze enhlangano angasetjentiswa kwentela kugcina emabele sikhatsi lesidze.
Kugcina emabele kulamabhilidi lamadze kumelula kunangesikhatsi kumele kwentiwe, kusukela lamabele kumele agcinwe endzaweni lekahle kanye nasesimeni lesikahle kwentela kuvikela kutsi angaboli. Aphindze adzinge kuvikelwa kumagundvwane kanye naletinye tilwanyana letingabanga kulahlekelwa.
Translated by Phindile Malotana