Emagama Lajwayelekile: Swiss chard
Inchazelo Yekuhlanyela
Sitjalo lesinemacembe laluhlata lamanyako lacinile futsi omile noma lakhanyako langemashumi lamabili nesihlanu kuya ku mashumi lamane emasentimitha ngebudze bese abalishumi nesihlanu kuya kumashumi lamabili ngemasentimitha bubanti. Emacembe acala ngekucondza uma asengakakhuli kepha ngekuhamba kwesikhatsi nakakhula lamacembe ayashwambuluka.Tinhlobo letehlukene tinemahlanga lehlukene ngemibala lokwenta kukhanga ngekumaketha phindze kukhombise kubanikati betitolo nakubapheki.
Lesitjalo singancutfwa iminyaka lemibili ngekujutjwa emuva ngesikhatsi kwakheka emacembe.
Kusetjentiswa
Lamacembe adliwa aphekiwe bese lawo lamancane adliwa aluhlata njenge saladi. Lamacembe anejusi. Lesitjalo sinendlela ya Vitamin A futsi iphakeme nge folate. Iyimphilo kakhulu ekudleni kwebantfwana.Tidzingo temhlabatsi ne Malungiselelo
Ingahlanyelwa kutotonkhe tinhlobo temhlaba kepha lenhlanyelo yenta kahle emhlabatsini lomanti kancane lolula lodvonswe kahle futsi lone pH emkhatsini wesitfupha nesikhombisa.Lesitjalo asimelani ne esidi ngakoke kufaka iDolomitic Lime kungadzingeka kwentela kubuyisa lomhlabatsi ube ngu 6pH ngetulu.
Simo selitulu
iSwiss Chard sitjalo sesimo selitulu lesipholile futsi singakhula kusimo lesibanti lesisemkhatsini wemadigri lasiphohlongo nalamashumi lamabili nesihlanu. Lesitjalo asikhoni kumelana nekubandza lokungaphansi kwemadigri lasihlanu noma kushisa lokungetulu ngemadigri lamashumi lamabili nesiphohlongo.Nomanje lesitjalo singaphila kufrost lemfisha uma ingali. Simo lesiphakeme sindzima kumacembe lakhulako.