Kuhlanyelwa kwe Swiss Chard

Titjalo letincane letiphumako

Kukhicitwa kwetinhlanyelo lencane kuphuma etindumbini

Indlela yekuHlanyela

Kuhlanyela ngesandla nekuncutsa kungatsatsa indzawo kwentela kuciniseka kustsi kuvuleke kahle. Kuhlanyela ngemshina kuyentiwa kanye nekuciniseka kutsi sikhala sikahle nakuhlanyelwa.
Tindumbu kumele tihlanyelwe emamilimitha lamashumi lamabili kuyaphansi. Tindumbu tingahlanyelwa kuma threyi bese tiyahlanyelwa nasetikhulile timasentimitha lalishumi ngemasentimitha.

Sikhala

Tinhlanyelo kumele tivulwe tibe lishumi kuya kumashumi lamabili ngekungasondzelani kumalayini langemashumi lamatsatfu kuya kumashumi lamane ngemkhatsi. Leti titjalo letilishumi nesitfupha kuya kumashumi lamatsatfu ngemitha yinye esikweleni. Ngakoke titjalo letitinkhulungwane letilikhulu nemashumi lasitfupha kuya kutinkhulungwane letimakhulu lamatsatfu kuya etulu ngelihekitha linye.

Sikhatsi Sekulima

Nomanje lesitjalo singalinywa umnyaka wonkhe umangabe simo selitulu sikahle, la Ningizimu Afrika timbili tindlela tekulima letingito letisetjentiswako.
Ngenyanga yaBhimbidvwane kuya kuMabasa umangabe sikhatsi semakhata singasiso lesibandza kakhulu bese kuba yinyanga yeNgci neyeNgongoni.

Sikhatsi Sekukhula

Kuvunwa kwemacembe ekucala kungacala ekuhambeni kwemalanga lamashumi lasikhombisa kuya kulamashumi lasiphohlongo ekusukeni kwekuhlanyelwa. Kuciniseka ngesikhatsi lesidze sekukhicita ngalokukhicita lokusetulu iSwiss chard idzinga indlela lekahle yeNitrogen emhlabatsini.

Kuvundzisa

Ngaphambi kwekuhlanyela ngesikhatsi sekulungiswa kwemhlaba, ukliniwe futsi uhlanganisiwe ufakiwe emkhatsini wemakhulu lasikhombisa emakg kanye nalatinkhulungwane temakg enhlanganisela lenhle yeNitrogen, Phosphates kanye ne Potassium lefana ne 2:3:2 kumele ihlanganiswe kulomhlaba longetulu.
Ngemuva kwaloko, ema kg lamakhulu lamabili nemashumi lasihlanu eLAN lekumel afakwe ngamaviki lamane phindze uftsi nakumaviki lasiphohlongo kusuka ekuhlanyelweni. Kusetjentiswa kwamanyolo wenkhukhu losetulu nge Nitrogen nako kukhulise umkhicito waze wefika kumathani lamashumi lasikhombisa ngelihekitha linye.

Kunisela

Ekucaleni kwalenyanga yekukhula kwalenhlanyelo lomhlaba kumele uhlolwe njalonjalo kwentela kuciniseka kutsi lenhlanyelo ayiihlushwa tinkinga tekubamanti njengoba lenhlanyelo iyincelencele kuloku. Etimeni letiphakeme uma imihlaba yoma ngekushesha, ngeliviki noma ngemaviki lamabili kunisela kumele kunakwe. Etindzaweni letipholile kunisela kungalulwa kube tinsuku letilishumi nakune emhlabatsini locinile. Khumbula ngasosonkhe sikhatsi kutsi iSwiss chard nendlela yemphandze yayo lengakashobeli iyincelencele etinkingeni temhlaba lomanti. Kumcoka kuhlola bumanti bemhlaba kabili evikini.

Translated by Phindile Malotana