Ukusatjalaliswa Kwayo
Itjalwa ngembewu.Iindlela Zokutjala
Itjalwa ngezandla. Kungatjalwa ngomtjhini godu nange kufunwa ukuqiniseka bona iinkhundla zokutjalwa zenziwe kuhle kanye nokobana kutjalwe kuhle. Imbewu kufanele itjalwe itjhingele ngamamilimitha ayi-20. Imbewu ingatjalwa ematreyini wokutjala imbewu bese kuthi kungamila amaplantjisi nasele ayi-10cm akhitjhwe atjalwe ehlabathini.Iinkhundla
Iintjalo kufanele zenzelwe iinkhundla ezingaba masentimitha ayi-20 cm emareyini ahlukaniswe ngamasenthimitha ayi-30 ukuya 40 cm. Lokhu kuhlangana kwamasenthimitha ayi-16 ukuya-30 weentjalo qobe m². Njeke kutjalwa i-160 000 ukuya ku-300 000+ qobe hectare.Iskhathi Sokutjala
Nanyana istjalwesi sitjalwa unyaka woke kwaphela nje ubujami bezulu nabubuhle, eSewula Afrika kusetjenziswa iinkhathi ezimbili eziqakathekileko zisetjenziselwa ukutjalwa. Kutjalwa ngoTjhirhweni kanye nangoSihlabantangana nange ubusika bungasimakhaza khulu kanye nango Rhoboyi noNobayeni.Isikhathi Sokuyikhulisa
Ukuvunwa kwamakari kwamakari wokuthoma wangaphandle kungathoma ngemva kwamalanga ayi-70 ukuya kwayi-80 wokutjala. Ukuqiniseka bona sivunwa iskhathi eside istjalwesi se-Swiss chard sitlhoga bona sinande sifakwa i-Nitrogen ehlabathini.Ukuvundiswa Kwaso
Ngaphambi kokutjala lokha ihlabathi isalungiswa, ngokuyikulumaga kanye nokuyifaka ikhompowusti kufanele kuthonywe ngokufaka phezulu ehlabathini i-700 kg kanye ne-1000 kg yehlanganisela ye-Nitrogen, Phosphates kanye ne-Potassium efana ne-2:3:2. Ngemva kwalokho, kufakwe, i-250 kg ye-LAN ngemva kweemveke ezine, ifakwe godu ngemva kweemveke ezibunane. Ukusetjenziswa komanyoro weenkukhu ozele i-Nitrogen sele nakho kwandisa isivuno size sifikelele kumatani ayi-70 qobe-Hectare.Ukuthelelela
Eenyangeni zokuthoma zokutjala, ihlabathu kufanele ihlolwe qobe lilanga ukuqiniseka bona iintjalo azibe nokugandeleleka ngokomkhumbulo okubangwa bubuswe ngombana iintjalo ziyazwela kikho. Emazingeni aphezulu womtjhiso lokha ihlabathi yoma msinya, akuthelelelwe ngeveke nanyana kabili. Eendaweni ezipholileko kuthelelelwa amalanga alisumi nane ehlabathini ebudisi.Khumbula ngeskhathi soke bona ngombana i-swiss chard inemirabhu engatjhingeliko iyazwela lokha ihlabathi inokugandeleleka ngokomkhumbulo okubangwa bubuswe. Njeke kuqakathekile ukuhlola ubuswe obusehlabathini kabili ngeveke.
Translated by Busisiwe Skhosana