Ukuzonjeleziswa Kwesitjalo
Kusenzo esihle ukuzombelezisa iintjalo lokha nawukhiqiza istjalo se-Swiss chard wenzele ukukhandela ukwakhela kweenunwana kanye nokwakheka kwamalwelwe. Sizombelezise ngomgade, ngamabhontjisi, peas, lettuce, itamati, amazambani kanye nekhabitjhi.Isivuno (qobe - hectare)
Esitlhogonyelwako: 20 yamatani
Esilingeneko: 30 yamatani
Esihle: 50+ yamatani
Ukuvunwa
Ukuvunwa kwaso kuvamise ukwenziwa ngesandla kusetjenziswa umukhwa obukhali nanyana imitjhini emincani esetjenziswa eplasini. Lokhu kuvumela abatjali bona bavune isikhathi eside okwenza bona bangezelele isivuno. Sika amakari wangaphandle kwaphela isibanga esingaba yi-40 mm ukusuka ehlabathini. Lokhu kufanele kuhlale kwenziwa ukugcugcuzela ukukhula kwestjalwesi okuzokwenza bona kwande isivuno.Lapha kutjalwa khona iintjalo ngobunengi ngehloso yokuzithengisa lokhu kuvamise ukwenziwa ngomtjhini. Lapha kutjalwa khona iintjalo ngobunengi ngehloso yokuzithengisa, istjalwesi sitjalwa sibesinengi.
Ukubekwa Kwaso
I-Swiss chard ayibekeki kuhle begodu kufanele ibekwe endaweni epholileko msinya ngemva kokobana ivunwe. Imiphumela emihle iba lokha ibekwe emazingeni womtjhiso ahlangana kwe-2°C kanye ne-4°C kanye nalapho kunobuswe abungaphezu kwe-85%. I-Swiss chard kufanele ibekwe esiqandisini emalanga angaba likhomba ngaphambi kokobana idliwe ukuqiniseka bona imkhiqizo oyikhwalithi. Njeke umkhiqizo kufanele ufike ebathengini msinya ngemva kokuwuvuna.Iinunwana
Yi-Nematodes, Cutworm, Aphids, Hawaiian Beet Worm, Loopers, Leaf Miners kanye ne-caterpillars.Amalwelwe
Leaf spot, Downy Mildew, Curly top kanye ne-Powdery Mildew.Translated by Busisiwe Skhosana