Ibizo elijwayelekileko: Swiss Chard
Ukuqhazwa Kesitjalo
Isitjalo esimakari ahlaza okungeneleleko ehlangana kwe-25 kuya ku-40 cm ngobude kanye nobubanzi obuyi-15 to 20 cm. Amakari athoma aqondile lokha singakakhuli kodwana lokha nasithoma ukukhula amakari athoma ukutjhwaba. Imihlobo eyahlukahlukeneko ineziqu ezinengi zombala owahlukahlukeneko owenza bona kubenamathuba amanengi akarisako ebathengini kanye nebantwini abaphekako. Istjalwezi singaphungulwa iminyaka emibili ngokobana siphungulwe amakari lokha nakamilako.Imisebenzaso
Amakari adliwa aphekiwe begodu amakari amancani adliwa adlaza njengsaladi. Amakari kungenziwa nangawo ijuzi.Istjalo sineleveli ephezulu ye-Vitamin A begodu sizele i-folate, ekukudla okunepilo ebantwaneni.Iimfuneko Zehlabathi kanye Nokulungiselelwa Kwayo
Ingatjalwa emihlobeni eminengi yehlabathi kodwana istjalwesi siba sihle khulu ehlabathi eyisanda erhona ukukhipha amanzi ene-pH ehlangana kwaka -6 kanye ne-7. Istjalwesi asiyifuni ihlabathi ene esidi njeke kungatlhogakala bona ufake i-Dolomitic Lime ukuze wenze ihlabathi bona ibe ne-pH engaphezu kwe-6.Ubujamo Bezulu
I-Swiss chard ithanda indawo enamazinga aphasi womtjhiso begodu iba yihle lapha amazinga womtjhiso ahlangana kwe-8 ukuya ku-25°C. Istjalwesi asitshwenyi ngitjho nanyana indawo ingaba nombethe. Amazinga aphezulu womtjhiso ajamisa ukukhula kwamakari.Ama-Cultivars
Kubalwa hlangana nawo i-Magenta Sunset, Fordhook Giant, Canary Yellow, Lucullus, Flamingo Pink, Red Rhubarb kanye ne- Barese.Translated by Busisiwe Skhosana