Lesihlahla lesikhulu lesinemtfuntfi lesihlala siluhlata sigodvoselubisi lesibovu siyimvelo kuncenye lesenyakatfo yeNingizimu Afrika futsi sikhula endzaweni yetigodvo etintsatjaneni letinematje, kumakloofs nasetifundzeni temifula eLimpopo, Gauteng, North West, Mphumalanga, KwaZulu-Natali nase Free State. Lamacembe adliwa tinyamatane kanye netindlovu sibe lesitselo sitsandvwa tingobiyane, tingulube tesiganga kanye nebantfu.
Lesitselo sesigodvoselubisi lesibovu siyanongotela futsi ivithamini C yaso isetulu (sihambela kumashumi lasihlanu kuya kumashumi layimfica ema miligremu ngemagremu lalikhulu) futsi silungele kuvunwa kusuka enyangeni yaMabasa kuya kunyanga yeMphala uma silahla letinswatana temanti lacinile lamhlophe lebakhona kulesikhumba kanye nenyama yalesitselo lesingakavutfwa. (Lamanti lacinile lubisi lolufihlekile ngesitjalo nasilimala.) Lesitselo seli wolintji leliyindingilizi singavunwa sivutfwe ngehhafu bese livutfwa kahle kungakapheli emalanga lasihlanu.
Sigodvoselubisi lesibovu sinendlela lesetulu yekunika ngekwentsengo kanye nangekudla etigodzini letomile kanye naleto letisemkhatsini ngekoma. Sifundvo kwentela siciniseko sekukhetsa sihlahla sesitselo semvelo kwentela kuhlanyelwa emakhaya kanye nekuhlanyelelwa kutsengiswa kwabonisa lesigodvoselubisi lesibovu njengalesitsandvwako (92.5%) kutitjalo letinemaphesenthi lamshumi lasitfupha nakune (64%) tebalimi labangahlanyela sitjalo semobolo plum.
Balimi kutotonkhe tigodzi beva ngatsi kunesidzingo lesikhulu sekuhlanyelwa kwentelwe emakhaya kanye nentsengo kulesihlahla sesigodvoselubisi lesibovu "ngoba letitihlahla tesigodvoselubisi lesibovu siyindlala ngekwemvelo nawubekisa ngaleso sebuganu". Lesitselo sesigodvoselubisi lesibovu sinendlela yekwenta vithamini C lophansi abenemandla, ikakhulu ngesikhatsi lesitselo sivela emkkhatsini wentfwasahlobo ngesikhatsi vithamini C etindzaweni letisemakhayeni titfola lokufisha. Letitselo tentiwa intfo yesintfu leyomisiwe lebitwa "sesema" lenelushelufa lemphilo yaso yonkhe phindze sinike kudla lokuvelelako ngesikhatsi sasebusika.
Lesihlahla siyahlanyelwa sitindumbu futsi sitsandza tigodzi letineluhlobo lolunemvula yamahhala-lolute sitfwatfwa. Site timphandze letikabi, asitsandzi sitfwatfwa kanye nesomiso bese ngenca yebukhona bentfo lemanti lecinile lemhlophe lesigodvoselubisi lesibovu asinawo umuhlwa lomningi.
Sigodvoselubisi lesibovu siyawulungela umhlaba welibumba kanye nalomantana kantsi nekujuba emagala kumcoka kwentela kukhicita kwalesitselo. Titjalo temitsi kanye nekudliwa tesiganga tase Botswana tenta ematfuba lamasha ekuhlanyelwa.