Pinot Gris and Pinot Blanc

Inchazelo

Pinot gris ne Pinot blanc ngemabala laguculiwe lasakhule nge Pinot noir. Lomehluko longiwo emkhatsini waletinhlobo kutsi emagungumence ePinot noir amunyama futsi ondzile, uma iPinot blanc inesikhumba lesimhlophe nemagungumence ePinot gris anelibala lelingatsi limphunga losaluhlata njengesibhakabhaka noma nsundvu lophinki ngelibala lesikhumba, ngalesinye sikhatsi ngisho kulesitfungo lesifanako. Yomibili le Pinot gris ne Pinot blanc tisetjentiselwa kukhicita emawayini lamhlophe lanetinhlase nalelingilo.

Lapho Avela Khona

iPinot gris kanye ne Pinot blanc tinetimphandze tato eBurgundy eFrance, lapho khona totimbili takhicitwa iminyaka.

Lamanye Emagama/Emabito

Ligama lelifanako lelatiwa kancono le Pinot gris yi Pinot Grigio lese Italy, iPeti gris ise France, iSzükerbarát, lese Hungary, lokusho kutsi imphunga ngesiNgisi, ne Grabuburgunder noma Rülander ngesi Germany.
iPinot Grigio isetjentiswa ekuchazeni liwayini lelinatfwako, lelikhanyako, lelibekelwe kutfola ngekushesha, lelapho iPinot Gris, ibekelwe emawayini lanekugcwala ngemtimba laphindze anendlela yekukhula kahle. iPinot blanc iphindze yatiwa nge Clevner noma iKlevner eFrance, Weisburgunder noma Weisser Burgunder eGermany, iPinot Bianco eItaly nekutsi yi Beli Pinot eSlovania.

Kukhicitwa eNingizimu Afrika

Umvini wekucala wePinot gris eNingizimu Afrika wachamuka e West Germany, lapho khona wakhicitwa kusuka ngesikhatsi sa 14th mandvulo, ngemnyaka wa 1963. Yakhululwa ekwenteni intsengo leyakhicitwa nga 1977 yase isetjentiswa njengeliwayini lekuhlanganisa phindze nesakhiwo se liwayini letinhlase.
L ‘Ormarins wakhicita inhlobo yekucala ye Pinot gris la Ningizimu Afrika nga 1980, leyatsengiswa ngekutsi yi Pinot Grigio ngaphansi kwe Terra del Capo yabo.
Emabhuku ala Ningizimu Afrika emvini we Pinot blanc wekucala futsi bowungavumi, ngekuyigwamandza yasuswa eCalifornia nga 1967 yase iyakhululwa lapho beyivalelwe khona kwentela kuhlola nga 1971, ibe leminye imibhalo atsi yatfolakala kutentsengo nga 1990.

Tindzawo Lekhicitwa Kito

Totimbili letinhlobo tikhula ngaphansi kwetindzawo letipholile. Ngema hekitha langetulu ngemakhulu lamatsatfu nemashumi lasihlanu ngaphansi kwekukhicitwa, kukhicitwa kwe Pinot gris kusesekuncane la Ningizimu Afrika. Kungiko, nomakunjalo, kwatiwa kakhulu futsi beyiyelishumi leyahlanyela inhlobo yemagilebisi lamhlophe kulelive ngemnyaka wa 2016.
Lenhlobo seyihlanyelwe kutotonkhe letigodzi letikhicita liwayini la Ningizimu Afrika, ngaphandle kwe Karoo Lencane ne Northern Cape. iWorcester, iBreedekloof, Stellenbosch, Robertson kanye ne Swartland ngutona tigodzi letinetindzawo letinkhulu ngaphansi kwalamavini.
Kukhicita kwe Pinot blanc akukaze kwacala la Ningizimu Afrika, nemahekitha lalishumi lamancane labikwe ngaphansi kwalenhlobo nga 2016. Ngetulu kwehhafu yaletinsimu tibekwe ngase Paarl.

Kukhula/Kuhluma

Kokubili iPinot gris ne Pinot blanc tikhula ngalokulinganako, nelikhono lekukhicita lelihambela emkhatsini wemfica yema t/ha kuya eshumi nakubili ngema t/ha.

Kuvutfwa

Emagilebisi avutfwa ekucaleni kwesikhatsi sawo – iPinot gris kusuka kuhhafu wekucala wenyanga yeNdlovana ne Pinot blanc, ikuhhafu wesibili.

Emagungumence

Emagungumence ePinot noir, iPinot gris kanye ne Pinot blanc acishe afanane ngekuma nangelinani, mancane phindze asandingilizi.
iPinot noir, noma kunjalo, inesigogo lesimnyama, ibe iPinot blanc inesikhumba lesimhlophe ne Pinot gris icala ngelibala leliluhlata lelikhanyako lelibese ligucuka liba samphunga loluhlata sasibhakabhaka noma nsundvu lo phinki, ngalesinye sikhatsi emagungumence lanemibala lehlukile esitfungweni sinye. Sikhumba saletinhlobo totimbili sincama futsi sicinile, ibe lenyama ilula, iyanongotela phindze inejusi.

Emacembe

iPinot noir, iPinot gris kanye ne Pinot blanc emacembe awo acishe afanane; anelibala leliluhlata lotopele, asemkhatsini ngelinani, ayindingilizi futsi wonkhe noma ahlukaniseke katsatfu.

Tilokatane Nemagciwane

Yomibili lemihlobo inekuba nemuhlwa lophansi kanye nekubola kwe Botrytis. Kubulawa tinyoni kuyinkinga ngenca yaletinhlobo ngekuvutfwa ngekushesha ngesikhatsi sayo.

Kusetjentiswa

Incumbi yalabenta iwayini la Ningizimu Afrika banelwati lweluhla lunye lwe Pinot blanc kuwayini, kepha isetjentiselwa kuhlanganisa. iPinot gris isetjentiswa njengenhlobo yinye yewayini phindze nemlingani wekuhlanganisa naletinye tinhlobo.

Kuvelela/Sinongo

Iwayini ye Pinot blanc inelibala lelimtfubi loya kuluhlata lokhanyako, nencumbi yetitselo letinemafutsa kanye netinongo. Emawayini ePinot gris angahluka ngelibala leliyidayimane lekhanyako kuya kuleliligolide, kushiyane ngesitayela salewayini, netinongo letimtfubi sabovu na plum.

Translated by Phindile Malotana