Tlhalošo
Pinot gris le Pinot blanc ke di phetego tša mmala (colour mutation) tše tšweletšego go tšwa mo Pinot noir. Phapano e kgolo gare ga mehuta ye, ke gore dithetlwa tša Pinot noir di na le letlalo le le ntsho, mola tša Pinot blanc di na le letlalo le le šweu gomme tša Pinot gris di na le mmala o motala wa bosetlha ga nnyane wa go ba le bo sootho le bo pinki; ka nako ye nngwe di na le go ba le mebala ye ya go fapana ngateng e tee.Ka bobedi ba tšona Pinot gris le Pinot blanc di šomišwa go tšweletša dibeine tše šweu tše bobotlane le tša go gadima.
Tlholego
Pinot gris le Pinot blanc di na le medu kua Burgundy France, fao bobedi ba tšona di tšweletšego gona, ka mengwagakgolo.Maina a Mangwe
Mahlalošetšagotee a go tsebega kaone a Pinot gris ke Pinot Grigio mo Italy, Petit gris mo France, Szükerbarát, mo Hungary, leina ka sekgowa le ra gore moitlami o pududu, le Grauburgunder goba Rülander mo Germany.Pinot Grigio gantši e šomišwa go laodiša beine e bofefo ya go nwega bonolo, ye e diretšego go nwewa ka pela, mola Pinot Gris, e beelwa dibeine tše di nago mmele o tletšego le tše di na lego aging potential. Pinot blanc e tsebega gape e le Clevner goba Klevner mo France, Weisburgunder goba Weisser Burgunder mo Germany, Pinot Bianco mo Italy le Beli Pinot mo Slovania.
Tšweletšo mo Afrika Borwa
Dibjalo tša mathomo tša Pinot gris, tša Afrika Borwa di rekilwe ntle go tšwa West Germany, fao di tšweletšego gona, go tloga ka ngwagakgolo wa lesomepedi nne, ka ngwaga wa 1963. E ntšhitšwe ka 1977 gore e dire tšweletšo ya papatšo gomme gagolo e šomišwa bjalo ka beine ya motswako le botlase ba beine ya go gadima.L’Ormarins e ile ya tšweletša mohuta o tee wa Pinot gris, wa Afrika Borwa ka ngwaga wa 1980, gomme o ile wa rekišiwa bjalo ka Pinot Grigio ka setlankana sa bona Terra del Capo. Direkoto tša Afrika Borwa, tša dibjalo tša Pinot blanc tša mathomo ga di tsepamego. Go na le bela gorea di rekilwe ntle go tšwa California ka 1967 gomme tša ntšhwa kua quarantine gore go dirwe tekanyo ka ngwaga wa 1971, mola dirokoto tše dingwe di bela gore beine e bile gona papatšong ka 1990.
Dilete tša Tšweletšo
Mehuta ye, ka bobedi ba yona e dira gabotse gare ga boemo bja boso bjo fodilego. Go na le palo ya go feta 350 ha ye e lego tšweletšong, tšweletšo ya Pinot gris e sa le e nnyane mo Afrika Borwa. Le ge go le bjalo e thoma go tuma e bile e ile ya ba gare ga palo ya lesome ya dibeine tše šweu, tše di bjetšwego mo nageng ka 2016. Mohuta o bjetšwe dileteng kamoka tša go tšweletša dibeine mo Afrika Borwa, ka ntle le Little Karoo le Northern Cape.Mafelo a go swana le Worcester, Breedekloof, Stellenbosch, Robertson le Swartland ke ona a nago dilete tše kgolo tša dibjalo tše. Tšweletšo ya Pinot blanc ga ya gola kudu mo Afrika Borwa, go na le rekoto ya go lekana le 10 ha ya mohuta wo, e begilego ka 2016. Seripa sa dirapa tša merara tše, di hwetšagala kua Paarl.
Go Gola
Ka bobedi ba tšona, Pinot gris le Pinot blanc di gola ka lebelo la magareng ka kgonego ya tšweletšo ya magareng a go lekana le 9 t/ha to 12 t/ha.Go Butšwa
Merara e butšwa ka pela magareng a sehla – Pinot gris go tloga seripeng sa mathomo, mathomong a Febereware gomme Pinot blanc, ka seripa sa bobedi.Dithetlwa
Dithetlwa tša Pinot noir, Pinot gris le Pinot blanc di a swana ga nnyane ka sebopego le bogolo, ke tše nnyane e bile di na le sebopego sa motopo. E fela Pinot noir e na le letlalo le le ntsho mola Pinot blanc e na le letlalo le le šweu, e bile Pinot gris e thoma ka letlalo la mmala o tala wa go phadima gomme e be le fetogela go mmala o tala wa go ba le bosehla goba mmala o sootho wa go ba le bo pinki.Ka nako engwe dithetlwa tša gona di na le go ba le mebala ya go fapana mo ngateng. Mehuta ye, ka bobedi ba yona e na le matlalo a masese e bile a go tia, mola nama yona e le bolete, e tanta e bile e nale todi.