Nhlamuselo
Pinot gris na Pinot blanc i minkatsakanyo ya mihlovo leyingava kona kusukela eka Pinot noir.Kuhambana kakona lokukulu hileswaku madiriva ya Pinot noir yana nhlonge yantima, kasi lawa ya Pinot blanc yana nhlonge yobasa kasi lawa ya Pinot gris wona yana mihlovo leyingavaka ya mpun’wa kuya eka wasi kumbe yava ya buraweni kuya eka pink, minkarhi yin’wani wayakuma yari na mihlovo yohambana yari eka xichocho xin’we.
Hivumbirhi ka tona Pinot gris na Pinot blanc titirhisiwa kuhumelerisa wayeni yobasa nati sparkling wines.
Ntumbuluko
Pinot gris na Pinot blanc tina timintsu tatona kusuka e Burgundy etikweni ra France, laha titirhisiwaka kuhumelerisa tiwayeni kuringana malembe lawa yotala swinene.Mavito Yan’wana
Vamavizweni va tona lava titivekaka ku antswa hi wona Pinot gris yiva Pinot Grigio e Italy, Petit gris e France, Szükerbarát, e Hungary, leswi vulaka grey monk hi English, na Grauburgunder kumbe Rülander e Germany.Pinot Grigio yitirhisiwa ku hlamusela wayeni yovevuka no olova kuyin’wa,leyi faneleke kuhatla yin’wiwa, kasi Pinot Gris, yi hlayiseriwa tiwayeni leto fuwa leti kotaka kukula swinene kumbe kutshama malembe. Pinot blanc yitlhela yitiveka tani hi Clevner kumbe Klevner e France, Weisburgunder kumbe Weisser Burgunder e Germany, Pinot Bianco e Italy na Beli Pinot e Slovania.
Vuhumelerisi e Afrika Dzonga
Laha Afrika Dzonga wayeni yosungula ya Pinot gris yifike kusuka e West Germany, laha ayihumelerisiwa kusukela eka malembe yava 14th Century, hi 1963. Yivuye yisungula ku humelerisiwa no xavisiwa hi 1977 laha ayitirhisiwa kukatsela tin’wana tiwayeni no endla ti sparkling wines. L’Ormarins vahumelerise wayeni leyi ya Pinot gris rosungula hi 1980s, leyi ayixavisiwa tani hi Pinot Grigio ehansi ka lebulu ya Terra del Capo.Matsalwa ya wayeni yosungula ya Afrika Dzonga ya Pinot blanc aya tshamisekangi, laha yanwani yahlamuselaka leswaku yitisiwe kusuka e California hi 1967 lah yinga tlhela yihumesiwa kuya kambisisiwa hi 1971, wlaha yan’wana yahlamuselaka leswaku yisungule kuhumelerisiwa no xavisiwa hi malembe yava 1990s.
Tindzhawu ta Vuhumelerisi
Tinxaka leti hivumbirhi katona tihanya kahle ehansi ka maxelo lawa yanga hola swinene. Laha kungana ntsena kutlula 350 ha ta vuhumelerisi, kasi vuhumelerisi bya Pinot gris byahari byintsongo swinene e Afrika Dzonga. Hambi swiritano yisungule kuva na ndhuma leyikulu naswona yive eka xiyimo xavu khume eka leti tobasa leti byariwaka ngopfu laha tikweni hi 2016.Muxaka lowu wubyariwe hinkwako laha kuhumelerisiwaka wayeni laha Afrika Dzonga ehandle kale Little Karoo nale Northern Cape. Worcester, Breedekloof, Stellenbosch, Robertson nale Swartland itindzhawu letikulu takuva na masimu ya madiriva lawa. Vuhumelerisi bya Pinot blanc abyi sungulanga kahle laha Afrika Dzonga, laha kungana le hansi ka 10 ha leti vikiweke hi 2016. Kutlula half ya madiriva lawa yakumeka e Paarl.
Ku Kula
Hivumbirhi ka tona Pinot gris na Pinot blanc ati kuli ngopfu kambe tina vuswikoti bya vuhumelerisi bya kahle swinene lebyinga exikarhi ka 9 t/ha kuya eka 12 t/ha.Ku Vupfa
Madiriva ya kona yahatlisa kuvupfa exikarhi ka nguva – Pinot gris kusukela eka hafu yosungula ya February kasi Pinot blanc, eka hafu yavumbirhi.Mihandzu
Mihandzu ya Pinot noir, Pinot gris na Pinot blanc yilave kufana swinene hi xivumbeko no kula, yintsongo yiva na xivumbeko xa oval.Pinot noir, hambiswiritani yina nhlonge yantima, kasi Pinot blanc yona yina nhlonge yobasa na Pinot gris yisungula yikuva nay a muhlovo wa rihlaza lerivonikelaka leyi cincaka yiva yamuhlovo wa mpunwa kuya eka wasi kumbe buraweni kuya eka pink, kambe minkarhi yin’wana yiva na mihandzu ya mihlovo yohambana eka xichocho xin’we.
Hivumbirhi kawona madiriva lawa yana nhlonge yolala notsindziyela laha swalendzeni kayona swinga vevuka no nyanganya na juzi yakahle swinene.