Ligama lelijwayelekile: Chilli pepper noma chilli
Kuchaza sihlahla
Lesihlahla sapelepele sinemacembe lamancane lacijile. Lesihlahla sapelepele singaba sehlatsini lelikhula licondze etulu lite lifike ku 1 mitsa ngebudze noma letinye tingakhuli tiye etulu. Bunadzi bakhona buvakala ngekubaba kwakhona, lokushisa emlonyeni. Lokushisa kubangelwa yintfo lebitwa njenge capsaicin leyentiwa ngulo pelepele.Imisebenti wawo
Pelepele usebentiswa nawupheka kunadzisa kudla, kungaba tibhidvo noma inyama. Tisebentiswa tiphilile noma tomisiwe.Kulungisa umhlabatsi noma lokudzingeka emhlabatsini
Pelepele unconota indzawo lengatsi inemhlabatsi loyisanti lohamba kahle emanti. Timphandze takhona atindluli ku 30 cm noma 40 cm, loku kwenta kutsi kunisela kufanelwe kunakekelwe kahle. Kuvundza kufanele kube kunyenti emhlabatsini, uma kungenjalo kufanele kungetwe emhlabatsini ungakahlanyeli. pH lelungile emhlabatsini kufanele ibe ku 6.0 kuya ku 7.0.Simo selitulu
Pelepele sihlahla sendzawo leshisako lesheshe ivele emakhateni, kubandza kakhulu kulimata kukhula kahle kwalesihlahla, uma kubandza ngaphansi kwa15 °C kepha nekushisa lokungetulu kuka 35 °C kuyinkinga. Wenta kahle nangabe emazinga ekushisa asemini ahamba ku 24 °C kuya 30 °C bese kutsi emazinga ekushisa asebusuku ahamba ku 15 °C kuya ku 20 °C. Lapho khona lesitselo sesicala kuvutfwa, sinconota indzawo leyomile lenganato tivula, ngoba tivula tiletsa tifo futsi netinkinga tekunisela. Kuphindze kunikete inkinga koma kwapelepele.Titfombo
Tinyenti titfombo tapelepele, kepha nguleti lesingatibala: Anaheim, Inchanga, Long Red Cayenne, Trinidad, Long Slim Cayenne, Pendant, Scotch Bonnet, Serrano Spitfire, Habanero, Super Cayenne, Ristra, Super Chilli, Skyline.Kuhlale kuba khona Letisha tinhlobo tapelepele letikhuliswako, kute tibabe ngalenye indlela, kwakhiwa futsi kucinisa kulwisana netilwanyana kanye netifo. Kepha kumcoka kutsi ukhulumisane nemuntfu lonelwati kuloku lotokutjela ngetitfombo letitokwenta kahle kuleyo ndzawo lofuna kulima kuyo.Translated by Thandokuhle Motha