Ibizo elijayelekileko: Ibilibili / Chilli Pepper nanyana-Chilli
Ukutlhadlhulwa Kwesitjalo
Isitjalo sebilibili sihlaza side sakheke saqanda simakari akheke inga aqijile ekugcineni. Isittjalo sebilibililesi singabamutjhana okhula uye phezulu, ube yimitha yinye ngobude nanyana eminye imihlobo inga imimithi begodu ibespara phasi. Ukunambitheka kwayo kuyababa, kuzwakala inga ilimu liyatjha. Ukutjhokho kubangwa yikhemikhali i-capsaicin ekhiqizwa libilibili.Umsebenzalo
Ibilibili lisetjenziselwa ukupheka ukungezelela iinthako, nokwenza bona imirorho nanyana inyama ibabe. Isetjenziswa ifretjhi nanyana yomile.Ukulungiswa Kwehlabathalo kanye Nemfuneko Zehlabathi
Ibilibili ithanda ihlabathi eyisanda, engenwa mamanzi msinya. Imirabhu yayo iphezulu ingabamasenthimitha ayi-30 kuya ku-40 njeke tlhogomela lokha nawuyithelelelako ukukhandela ukobanyana ingaba nokugandeleleka komkhumbulo okubangwa bubuswe, ngombana sistjalo lesi sizwelela msinya. I-compost kufanele ihlanganiswe nehlabathi ngaphambi kokobana itjalwe. Ileveli ye-pH yehlabathi kufanele ibe hlangana kwe-6.0 kuya ku-7.0.Ubujamo Bezulu
Ibilibili sitjalo esithanda indawo etjhisako esiyithandi emakhaza, nenesithwathwa, kuyajama ukukhula kwayo lokha amazimga wokutjhisa angaphasi kwe-15°C nalokha angaphezulu kwe-35°C. Iba yihle khulu lokha amazinga wokutjhisa wemini ahlangana kwe-24°C kuya ku-30°C, webusuku ahlangana kwe-15°C kuya ku-20°C. Nasele ithomaukuvuthwa ithanda ubujamo bona izulu lingani, ngombana izulu liyenza bona ibanjwe malwelwe, nemiraro yokutlhogonyelwa kokuyithelelela. Izulu likhandela nokobana yome kileyo etjalwe yomiswa kobana izokuthengiswa ngemva kokuyomisa.Ama-Cultivars
Minengi imihlobo yayo hlangana nayo kubalwa i-Anaheim, Inchanga, Long Red Cayenne, Trinidad, Long Slim Cayenne, Pendant, Scotch Bonnet, Serrano Spitfire, Habanero, Super Cayenne, Ristra, Super Chilli, Skyline.Kuhlala kunemihlobo emitjha yama-hybrid / nanyana ibilibili evangiweko ezisatlanywako ezikhupha iimfanelo ezifana nokubaba, ukukhiqizwa kanye neziqinisa ukujamelana neenunwana kanye namalwelwe.
Kodwana kuqhono ukobana uthinte usiyazi wembewu kanye ne-extension service nanyana i-agronomist esendaweni yangekhenu, ikurhelebhe ukukhetheni ama-cultivars alungele ubujamo bezulu bendawo yangekhenu kanye nobujamo behlabathi.
Translated by Busisiwe Skhosana