Vito ra xi science: Capsicum Frutescens
Vito ra ntolovelo: Chilli Pepper kumbe viriviri
Nhlamuselo ya Ximilani
Ximilani xa viriviri xina matluka ya rihlaza ya xivumbeko xa oval lawa ya lalalka kutani ya tontswa emakumu. Ximilani xa virivir yinga tlhuma xiva xihlahla lexi kulaka kuya e henhla kuringana ka mitara yin’we hiku leha kambe tinxaka tin’wana tiva xihlahla swinene laha xinga kuleki kuya henhla. Nantswo wa kona wutiveka hiku bava swinene “hot” nantswo lowu hisaka laha non’weni. Kuhisa loku ku tisiwa hi khemikali leyi vange i capsaicin leyi humesiwaka hi viriviri leri.Switirhisiwa
Viriviri ritirhisiwa eka ku sweka ku tisa nantswo naku bava eka matsavu na swixevo swa nyama. Ritirhisiwa raha tsakama kumbe ri omisiwile.Swilaveko swa Misava na Ndzulamiso
Viriviri ri tsakela misava ya sandy loam kuya eka loam leyi tswongaka mati kahle. Timintsu tilangute ngopfu eka 30 kuya eka 40 cm ya misava leswi vulaka leswaku ku cheletiwa swifanele ku fambisiwa kahle kusivela kuva misava yi oma ngopfu, leswi ximilani lexi xinga kumaneki na swona. Nhlayo ya swakudya emisaveni yifanele kuva e henhla, loko swingari tano kufanele ku katsiwa manyorho eka misava loko kunga se byariwa. Nhlayo ya pH ya misava leyi amukelekaka yifanele kuva exikarhi ka 6.0 na 7.0.Maxelo
Virviri i ximilani lexi rhandzaka maxelo yokufumela naswona xichava ngopfu xirhami na gwitsi naswona kukula swa kavanyeteka hi mahiselo lawa yanga e hansi ka 15°C kambe na mahiselo lawa yanga e henhla ka 35°C aya kahle. Viriviri riva kahle loko mahiselo ya nanhlekani ya cinca cinca exikarhi ka 24°C na 30°C naswona ya navusiku ya cinca cinca kuya exikarhi ka 15°C na 20°C.Swibyariwa
Kuna swibyariwa swotala swa virivir kambe ku vika swintsongo kuna leswi: Anaheim, Inchanga, Long Red Cayenne, Trinidad, Long Slim Cayenne, Pendant, Scotch Bonnet, Serrano Spitfire, Habanero, Super Cayenne, Ristra, Super Chilli, Skyline.Kutshama kuri na nkatsakanyo wuntshwa lowu endliwaka kutani wu humesiwa ku tisa kubava loku ku lavekaka, kuhumelerisa naku tisa kukondzelela switsotswana na mavabyi.
Switala kuva kahle swinene ku tihlanganisa na mutivi wa mbewu xikan’we naku kuma vukorhokeri bya agronomist endzhawini yaka nwina kupfuna hiku hlawula swibyariwa leswinga hlawuleka eka maxelo na xiyimo xa laha unga kona.Translated by Ike Ngobeni