Kunakekela Kulima ne Mkhicito weTinhlavu

© Glenneis Kriel

Kukhulisa kwati ngetulu kwekubaluleka kwemhlabatsi lophilile sekukhokhe inombolo lekhulako yebalimi labasebentisa indlela yekunakekela ekulimeni. Lenandlela yakhiwe emapholini lamatsatfu, nawuwasho itallage lencane, kuvalwa kwetitjalo kanye nekuguculwa kwenhlanyelo.

iTillage Lencane

©Glenneis Kriel
Kunakekela noma emalungiselelo lamancane etfulwa eUSA endzaweni lenkhulu ngemnyaka wa 1970 kwatsi kusuka lapho kwasakatwa kulamanye emave, kufaka ekhatsi iNingizimu Afrika. Ngekunakekela ngekuphendvulwa, lomhlabatsi ungahle kube uyalinywa, ufakwa likhuba noma uyavukutwa, lokuphatamisa lokuma kwemhlabatsi futsi ngekuhamba kwesikhatsi kuchubela ekwehleni kwemhlabatsi kanye nekugedvuka. Kuphindze kunendlela lengasiko kahle lenesisindvo kumanti emhlabatsi lagcine sisindvo futsi kuhambisana nekuphatamiseka kwetintfo tendalo letitfolwa ngulomhlabatsi.
Ngekunakekela itillage, lomhlabatsi uphatamiseka kancane kakhulu. Ngesikhatsi sekulima, itine yekunakekela noma idisk yekuhlanyela ingahwaya kancane noma ijube lomhlabatsi emlayinini wekuhlanyelela kuze kufike kulesigaba lesifunwako. Kulima kanye nekufaka manyolo kungahle kwenteke ngesikhatsi lesifanako.
Kubalekela kugedvuka kwemhlabatsi, kunakekela lokumatima kutsi balimi kufuna batsatse sinyatselo lesecile basebentise lwati lwe GPS kwentela kucinisa kutsi tonkhe tintfo letisetjentiswako ngesikhatsi sekukhicita, ngemnyaka munye, sonkhe sikhatsi tihamba endleleni lefanako kulendzawo. Lite noma–kungabikhona kwekuphendvuka yindlela lesetulu yekuphendvula lencane, lapho khona umgodzi loncana akhiwe ngesigadla semacembe lafile noma tjani kulomhlabatsi lapho khona letinhlavu namanyolo kubekwa khona.

Mbonya noma Vala Titjalo

©Roger de la Harpe
Balimi bamandvulo bebangabe bashisa lendzawo ngemuva kwekuvuna kwentela kususa lukhula. Balimi labanakekelako abashisi indzawo yabo, kepha bashiya titjalo letisele kulendzawo, emalungiselelo lekutsiwa tincenye letimfisha tenhlanyelo. Tincenye letimfisha tenhlanyelo itfola umehluko lomuningana. Kungaba:
Kuncipha kwekuhhusha nekugedvuka kwemanti
Khulisa kusefwa kwemanti kanye nesisindvo sekubamba emanti
Emhlabatsi
Nciphisa umoya wemanti lashisiswako
Khulisa tintfo tendalo emhlabatsini
Vikela umhlabatsi wendalo kutintfo letecile tesimo selitulu
Kwendlale njengendzawo nekudla lokutfolwa tintfo tendalo

Kuguculwa kweNhlanyelo

Esikhundleni sekuhlanyela-titjalo tinye, lapho sona leso sitjalo sihlanyelwa ngemnyaka emuva kwalomunye kuncenye yinye yendzawo, balimi bekunakekela batilungiselela ngekugucula inhlanyelo. Batohlola titjalo letehlukene letilungele kukhicitwa ngaphansi kwendzawo yabo yekukhicitela bese bagucula leti titjalo ngalesinye.
eWestern Cape, njengayo, titjalo letifana nemabele, icanola, ibarley, emalupines, emamedics ne lucerne ngutona tibonelo tenhlanyelo lekumele tifakwe kulendlela yekugucula. Lesincumo akusiko kutsi ungahlanyeli inhlanyelo yemnyaka lesuka kumndeni munye endzaweni yinye ngetulu kweminyaka lemibili. Lendlela yekugucula akukameli ijutjwe ngelitje, kepha kumele ibonakale njengelusito lwekunakekela. Balimi bangayitsatsa njengoba idzingeka, njengekutsi ngesikhats lukhula noma tinkinga tetifo tivumbuka.
Tifiso tekuguculwa kwenhlanyelo kutsi kuphulwe lomjikelo wesifo lesihambisana nekuhlanyela-inhlanyelo yinye. Tintfo letite emakhemikhali letitsite kanye netifo tihambisana netitjalo letitsite, ngako umangabe uhlanyela letititjalo kutokhokha kutintfo letite emakhemikhali letakhekako. Ngekulima lokunye, letitintfo letite emakhemikhali titobambeka ngaphandle kwendlela yekudla, lokutokhokha ekungavumini kwato.
Kuguculwa kwenhlanyelo kuphindze kuvumele balimi kutsi basebentise tinhlobonhlobo letivulekile temakhemikhali labulala titjalo kwentela kugcina tinkinga telikhula tihlolekile, lelapho kusita kuvikela kutfutfukiswa kwemakhemikhali labulala titjalo. Emakhemikhali ekubulala tjani, fana nawo, angeke sekasetjentiswe ngesikhatsi emabele ahlanyelwa njengoba kutobulala lamabili. Balimi, nomakunjalo, bangasebentisa lamakhemikhali etjani ngesikhatsi emacembe lamakhulu ahlanyelwa. Intfo lefanako nemakhemikhali emacembe lamakhulu. Angeke sekasetjentiswe kunhlanyelo yemacembe lamakhulu, kepha angasetjentiswa ngesikhatsi sekukhicita emabele.
Nawusebentisa emakhemikhali labulala titjalo sonkhe sikhatsi landzela tindlela bese ugucula umkhicito ngetindlela tetinongo letehlukene kwentela kuvikela kwala kwemakhemikhali labulala titjalo.

Translated by Phindile Malotana