Kunakekela emabhontjisi laluhlata ngemubala

Kushintjana kwetitjalo

Emabhontjisi lanembala loluhlata kufanelwe ashintjane naletinye titjalo letingafani nato kute uvikele kutselelana twetifo letifana ne Fusarium-Wit, Anathracnose kanye ne Bacteria blight.

Sivuno (bunyenti ku hecta)

Lesijwayelekile: ema tonnes lasitfupha
emkhatsini: ema tonnes langu 8
Lesihle: ema tonnes landlula ku 12

Kuvuna

Cala uvune uma setinemaviki lalishumi. Phindze uvune emalangeni lamabili kuya emalangeni lamatsatfu kute wente kukhule timbali letitowenta kutsi tihlahla titsele kakhulu. Emuva kwaloko songavuna onkhe emalanga kute utfole letitfole titincane kahle ngoba emabhontjisi ayashesha kuvutfwa, kakhulu nasekucala kushisa.
Vuna emabhontjisi ekuseni nakusapholile, ngoba emabhontjisi angaphelelwa ngemanti futsi ome etindzaweni letishisako. Kumcoka kutsi ufikise emabhontjisi endzaweni lepholile kungakapheli emahora lamabili.

Indzawo yekubeka

Beka emabhontjisi endzaweni lepholile 50C - 70C kungandluli emalanga langu 7, kute wente siciniseko kutsi uhambisa emabhontjisi lakahle. Esikhatsini lesinyenti yenta siciniseko kutsi lendzawo imanti kahle 90%.

Kuvikela tifo netilwanyana

Kumcoka kutsi ukhulumisane nemuntfu lonelwati kuloku noma labanye bantfu labati imitsi lebulala tilwanyana kanye netifo.

Tilwanyana

Nematodes, intfo leyinkinga kakhulu iRoot Knot Nematodes kufanele ilungiswe ngekufutsa emhlabatsini ungakahlanyeli, American bollworm, aphids pumpkin fly, Red Spider Mite kanye ne Thrips nguletinye wetilwanyana letihlasela emabhontjisi laluhlata.

Tifo

Letinye tifo letatiwako letihlupha emabhontjisi laluhlata ngemubala nguleti Rust, Bean Mosaic Virus, Fusarium Root Rot, Anthracnose, Bacterial Blight ne Sclerotinia.

Translated by Thandokuhle Motha