Kulungiselela, Kuhlanyela kanye neku Bulala ngeLikhuba
Kulungiselela
Inchazelo yeku lungiselela isho emalungiselelo emhlabatsi lekumele kuhlanyelwe kuwo. Loku kufaka kulima/kuhlanyela, Kubulala. Loku kungenteka ngekusebenta ngetandla (ngelifosholo) noma ngemushina, ngemathuluzi labekiwe ngentasi. Kulungiselela lomhlabatsi kuchaza emalungiselelo embhedze wetinhlavu kannye nekusebenta lingetulu lemashumi lamabili kuya kulamatsatfu emasentimitha emhlabatsi lobekwe ngekutsi ngumhlabawangetulu.
Kuhlanyela/Kulima
Kuhlanyela/kulima kuhlukumeta noma kuguculwa kwemhlabatsi ngendlela legubhile. Loku kushiyana ngenhlanyelo lekumele ihlanyelwe, kushona kwaletimphandze talenhlanyelo natikhula kanye nekuma kwesihlabatsi semvelo. Kuhlanyela kuvama kwenteka umakukhona lokuvimba timphandze letikulomhlaba letikhulako kanye nalapho kungena khona tintfo. Uma umhlabatsi uhlangene kuhlanyela nako kutsambisa lokuhlangana. Uma sivundziso, sivundziso sendalo, umcuba, manyolo noma ilime kudzinga kuhlanganiswa kuletimphande letikulomhlaba loku kutfolwa ngekutsi kuhlanyelwe kulomhlaba. Loku kuvama kwentiwa entfweni leshonako emkhatsini wemashumi lasitfupha nalalikhulu emasentimitha.
Harrowing - Kubulala ngeLikhuba
Kukhona tinhlobo letimbalwa tekubulala kepha layatiwako kakhulu kubulala kwedisk, lokugwazako kanye nelitinyo lelishwilene. Lokubulala lithuluzi lelisetjentiswa bafuyi kwentela kulinganisa kanye nekulungiselela umbhedze wetinhlavu kwentela kuhlanyela tinhlavu noma titjalo letisetincane. Lelikhuba lisebenta ekubulaleni letigadla temhlabatsi kanye nelikhula noma netitjalo letivela ngekhatsi noma ngetulu kwesihlabatsi lesingetulu.
Loku kuphindze kucale kuma kwesihlaba lesakhiwe ngetincenye teluhlobo lolufanako lwemhlaba wangetulu, kwentelakutsi kubelula kuleto timphandze letinsha letincane kutsi tikhule ngemuva kwekwakheka.
Translated by Phindile Malotana
