Ukulungisa Ihlabathi, Ukupeta kanye Nokuhariga
Ukulungisa Ihlabathi
I-Tillage itjho ukulungiswa kwehlabathi engakatjalwa. Lokhu kubala ukuyipeta, ukuyihariga nokuyilungisa.Lokhu kungenziwa ngesandla (usebenzisa igarafu) nanyana ngomtjhini, njengobana kukhonjiswe ngaphasi. Ukulungisa ihlabathi kutjho ukulungisa imbhede wokutjala imbewu kanye nokusebenzisa ihlabathi engaphezulu eyi-20 ukuya ku- 30 cm ekubizwa bona yi-topsoil.
Ukupeta
Kutjho ukuphendula ihlabathi ulethe engaphasi ngaphezulu nanyana ukuyiphendula itjhingele. Lokhu kuya ngokobana utjalo umhlobo bani wesitjalo, ukutjhingela komrabhu weentjalo kanye nokobana ihlabathi yakheke njani. Ukupeta kwenziwa nakunemiraro ehlabathini ekhandela ukukhula kwemirabhu kanye nokubamba kwehlabathi amanzi.
Nange ihlabathi ihlangene ukuyipeta kuyayitjhaphulula. Nange isivundisi, esenziwe ngaphandle kwamakhemikhali, ikhompowusti, umanyoro kanye ne-lime kutlhoga ukufakwa emrajini kwenziwa ngokutjala ihlabathi. Lokhu kwenziwa ngehlabathi etjhingela ngamasenthimitha ayi-30 kanye nayi-100 cm.
Ukuhariga
Kunemihlobo embalwa yamahariga kodwana ojwayeleke khulu yi-disk harrow, spike kanye ne- spring tooth harrows. I-harrow lithulusi elisetjenziswa balimi ukulevela nokulungisa imibhede yembewu yokutjala imbewu kanye nama-plantjies. I-harrow isetjenziselwa ukuphula ihlabathi kanye nekhula nanyana iinsalela zentjalo phakathi kanye naphezulu ehlabathini engaphezulu.
Lokhu kwenza ihlabathi efanako kanye nokwakheka okufanako, okwenza bona kube lula imirabhu emitjha ithuthuke ngemva kokumila.
Translated by Busisiwe Skhosana
