Kulinywa kweMazambane

Kukhicita titjalo letincane

Kukhicita titjalo letincane kwentiwa nge tindumbu noma timphandze.

Indlela Yekuhlanyela

Kuhlanyela kungentiwa ngesandla noma ngemshina wekuhlanyela. Hlanyela tindumbu temazambane noma timphandze tishone ngelikhulu nemashumi lasihlanu emamilimitha. Titotsi letitjalo nasetikhulile timashumi lamabili nesihlanu kuya kumashumi lamatsatfu emasentimitha ngekuya etulu letitjalo tingaphakama kwentela kuvikela luhlanga elangeni
kanye netimphandze etingaphansi kumihlwa.
Kukhula kungesikhatsi lomhlabatsi logegeletele sitjalo selizambane lelincane sisetjentiswe kwakha okuphakeme lapho khona letimphandze tingakhula khona. Loku kungenteka ngemshina noma ngesandla.

Sikhala

Titjalo kumele tivulwe sikhala lesimashumi lamabili kuya kulamatsatfu ngekuhlukana kumalayini langemashumi lasiphohlongo kuya kulalikhulu ngemasentimitha emkhatsini.

Sikhatsi Sekuhlanyela

Etindzaweni letite ifrost emazambane angahlanyelwa kusuka ngenyanga yeNgci kuya ekucaleni kwenyanga yeNhlaba emnyakeni lolandzelako. Etindzaweni lapho ifrost ikuhlanyela lokujwayelwe itsatfwa kancono enyangeni yeNgci kuya kuyeNgongoni nasekucaleni kwa Bhimbidvwane.

Sikhatsi Sekukhula

Likhulu nelishumi kuya ekhulwini nemashumi lasihlanu emalanga ngemuva kwekuhlanyelwa.

Kuvundza

Nawuhlanyela faka lokungaba ngemakhilogremu latinkhulungwane ta 2:3:4 (emashumi lamatsatfu). Faka kuletikhala tekuhlanyela. Emavikini lasitfupha ngemuva kwekuhlanyela faka emakhulu lasihlanu emakg eLAN. Kuningi kwekuvundzisa lokutihlumelako lokukahle lokwenta kahle kumazambane.

Kunisela

Umhlabatsi kumele ubemantana nawuhlanyela kepha ungabimanti. Nisela kabili ngeliviki ubeke phansi emkhatsini wemamilimitha lamashumi lamatsatfu nemashumi lamane ekunisela ngeliviki.
Uma simo selitulu siphakeme nemhlabatsi lolula woma ngekushesha loku kungahamba kuyofika kumamilimitha lamashumi lasitfupha ngeliviki ngetindlela letintsatfu tekunikelwa.
Cala kunciphisa kunisela uma titjalo ticala kufa nasekusondzele kuvuna.

Translated by Phindile Malotana