Ukutjala
Litjalwa ngembewu yezambane nanyana ngezambani.Indlela Yokutjala
Lingatjalwa ngezandla nanyana ngomtjhini. Tjala imbewu yezambani nanyana izambani amamilimitha ayi-150 ukuya phasi. Nasele lithoma ukukhula sele limasentimitha ayi-25 kuya ku-30 ngobude Iintjalo azingagotjwa ukuvikela iziqu zalo elangeni kanye namazambani angaphasi kwehlabathi eenunwaneni.I-ridging kulokha ihlabathi ezombeleze isitjalo sezambani elincani, isetjenziselwa ukwakha indunduma lapha izambani lizokukhulela khona. Lokhu kungenziwa ngezandla nanyana ngomtjhini.
Iintjalo kufanele zenzelwe iinkhundla ezihlangana kwaka-20 kuya ku-30cm, ezihlukaniswe ngamareyi amasenthimitha ayi-80 to 100.
Isikhathi Sokutjala
Endaweni engena rhwaba amazambani angatjalwa kusukela ngoRhoboyi ukuya ekuthomeni kwakaMgwengweni ngonyaka olandelako. Eendaweni lapha kunerhwaba khona, kutjalwa hlangana kweenyanga ezimbili, ngoRhoboyi noNobayeni ukuya ekuthomeni kwaka Tjhirhweni.Isikhathi Sokukhula
Sihlangana kwe-110 kuya 150 yamalangaUkuyivundisa
Lokha nawutjalako faka i-1000 kg of 2:3:4 (30). Emareyini weentjalo. Ngemva kweemveke ezisithandathu utjalile, faka i-500 kg ye-LAN. Kuneemvundisi ezihle zamazambani ezingakafakwa amakhemikhali ongazisebenzisa.Ukuthelelela
Ihlabathi kufanele ingabi manzi lokha nwutjalako. Thelelela kabili ngeveke ngamanzi angaba hlangana na-30 kuya ku-40mm ngeveke. Nangabe amazinga womtjhiso aphezulu begodu nehlabathi yoma msinya, kufanele uthelelele kuze kufike ku-60mm ngeveke kathathu.Thoma ukuphungula ukuthelelela lokha isitjalo nasele sithoma ukufa, ngesikhathi sokuvuna.
Translated by Busisiwe Skhosana