Kuhlanyela Litsanga

© Louise Brodie

Kukhulisa

Litsanga likhuliswa kusukela enhlanyelweni

Tindlela Tekuhlanyela

Tinhlanyelo tihlanyelwa ngesandla noma ngemushina. Lenhlanyelo yelitsanga ifakwa emalayinin lalungisiwe. Inhlanyelo ifakwa ishobele nga 2.5 cm kuya ku 3 cm. emgodzini ngamunye faka tinhlanyelo letimbili tishiyane nga 10 cm. Titfombo letisalako kufanelwe titsatfwe tiyohlanyelwa kulenye indzawo umangabe totimbili letinhlanyelo timilile. Ugcine lena lebukeka icinile

Sikhala

Tihlahla kufanelwe tihlukaniswe nga 30 cm kuya ku 40 cm emalayinini lahlukene nga 120 cm. loku kusho kutsi ematsanga atoba ngu 20 000 kuya ku 30 000 kuli hecta.

Sikhatsi Sekuhlanyela

Ematsanga akhula kahle endzaweni leshisako, ngako ke kufanele uhlanyele nakucala itfwasahlobo kuya emkhatsini kwelihlobo. eSouth Africa kuhlanyela kucala nga August lapho khona sekucala kushisa nakuphela busika. Etindzaweni lapho kuba khona sitfwatfwa, kuhlanyela kungacala nga September. Kuhlanyela kungentiwa kute kube kusekucaleni kwa December uma emazinga ekushisa angandluli ku 35°C.

Sikhatsi Sekukhula

Sikhatsi sekukhulasijwayele kutsatsa emaviki langu 12 kuya ku 15 kusukela ekuhlanyeleni kwenhlanyelo kuya ekufutfweni kwematsanga ekucala.

Kufaka Manyolo

Cala ulungise indzawo yekuhlanyela kusasele inyanga kutsi uhlanyele. Uma umhlabatsi udzinga kutsi ufake umcuba, cala ufake lokungalinganiswa 20 m³ kuya ku 30 m³ wemcuba noma manyolo, ufake loku 300 mm emhlabatsini. Umhlabatsi uyayekelwa kutsi umcuba ungene kahle, emuva kwaloko bese kulungiswa emalayini. Uma inhlanyelo seyimilile, titfombo takhona tibese tiyatikhulela, faka kusukela ku 400 na 600 kilograms we 2:3:4 (30) kuli hecta lapho utohlanyela khona. Ufake iNitrogen lengu 250 kilograms we LAN (Limestone Ammonium Nitrate) kwentiwe emuva kwemaviki lasihlanu kuya kulasitfupha emuva kwekuhlanyela kwentele sitselo sitokhula kahle.

Kunisela

Timphandze telitsanga tindze, letinye tingakhula tite tifike kilimitsa (m) uma umhlabatsi ukahle futsi ulungiswe ngendlela lefanele. Kumcoka kutsi umhlabatsi uhlale umanti kahle. Nisela ngemanti langu 25 mm na 35 mm ngeliviki uma tibhidvo tisakhula. Emanti lakenele etimphandzeni amcoka ekuphumeni kwetimbali kanye nekuphuma kwetitselo.

Translated by Thandokuhle Motha
 lokundlulilelokulandzelako