Ukusatjalaliswa Kwayo
I-butternut nanyana i-squash sitjalwa ngembewu.Indlela Yokutjala
Imbewu itjalwa ngesandla nangemitjhini yokutjala. Imbewu ye-butternut itjalwa emareyini wehlabathi alungiselelweko. Imbewu itjalwa itjhingele ngamasenthimitha ayi-2.5 cm ukuya ku-3 cm. Tjala imbewu ezimbili zihlukane nge-10 cm ukuqiniseka bona azihlangani. Imbewu ye-butternut eseleko ingakhitjhwa itjalwe okhunye nange zimile zombili. Eqinileko kufanele ingasuswa.Iinkhala
Iintjalo kufanele zenzelwe iinkhundla ezimasenthimitha ayi-30 ukuya kwayi-40 emareyini ahlukene nge-120 cm. Lokhu kuhlangana nentjalo eziyi-20 000 kanye ne-30 000 zama-butternut qobe-hectare.Iskhathi Sokutjala
I-Butternuts mrorho othanda ubujamo bezulu obufuthumeleko, kungebangelo sitjalwa ekuthomeni kwetwasahlobo ukuya phakathi kwehlobo. eSewula Afrika i-butternut ithoma ukutjalwa ngoRhoboyi lokha amazinga womtjhiso sele athoma ukukhuphuka ngemva kobusika. Eendaweni lapha kunengozi yokobana kube nombethe begodu kusese makhaza ingathoma ukutjalwa ngoKhukhulamungu. Ukutjala kungalulwa kufike ngoNobayeni nangabe amazinga womtjhiso waphakathi kwehlobo akadluli i-35°C.Isikhathi Sokuyikhulisa
Isikhathi sokukhulisa i-butternut sivamise ukuba hlangana kweemveke ezilisumi nambili ukuya kwezilisumi nahlanu ngemva kokutjala imbewu ukuya ekulungeleni kwe-butternut ukobana ingavunwa.Ukuvundiswa Kwayo
Thoma ukulungisa indawo ozokutjala kiyo kusasele inyanga ngaphambi kokobana utjale kiyo. Nange ihlabathi itlhoga ukufakwa ikhompowusti, thoma ngokufaka okungesenani i-20 m³ ukuya 30 m³ yomanyoro nanyana ikhompowusti qobe–hectare upetele koke lokhu emamilimitheni ayi-300 wehlabathini engaphezulu. Ihlabathi iyaliswa ipholiswe ifakwe nekhompowusti bese kulungiswa amareyi.Ngemva kokobana imbewu imile sele amaplantjisi abambelele phasi, faka i-400 kanye ne-600 kilograms ye-2:3:4 (30) qobe-hectare emareyini weentjalo. I-nitrogen yokugcina ingafakwa ibe yi-250 kilograms ye-LAN (Limestone Ammonium Nitrate) ekufanele ifakwe ngemva kweemveke ezihlanu ukuya kwezisithandathu kutjaliwe ukwenza ncono ukukhula kwesthelo ngemva kokumila kwe-butternut yokuthoma.
Ukuthelelelwa
I-butternut inemirabhu etjhingelako, eminye imirabhu yayo ikhula ifike emitheni yinye ngaphasi kwehlabathi nange ihlabathi iyihle begodu ilungiswe kuhle, okwenza bona kurhonakale bona isitjalo sijamelane nokugandeleleka komkhumbulo okulethwa bubuswe, nanyana kunjalo kusaqakathekile ukuqinisela bona ihlabathi ihlale imanzi. Thelelela ngamanzi ahlangana ne-25 mm kanye ne-35 mm qobe veke ngeskhathi sokuyitjala. Amanzi aneleko emrajini aqakathekile ekumiliseni amathuthumbo kanye nekuvezeni iinthelo.Translated by Busisiwe Skhosana