Ligama le science: Cucurbita Moschata
Ligama lelijwayelekile: Butternut
Kuchaza Lesihlahla
Litsanga lisuka emndenini wetibhidvo te cucurbit. Letinye ti cucurbits tifaka ekhatsi marrows, ema cucumbers nelitsanga. Tikhulela phansi bese emacembe akhona enta intfo lengatsi iyatfusa. Lesihlahla sinemacembe leme ngatsi inhlitiyo. Lesihlahla si moneecious, loku kusho kutsi timbali letisikati naletidvuna tiyahlangana. Timbali letisikati letenta sitselo tikhulu kunaleti letidvuna letingeni titselo.Kusebenta Lwelitsanga
Litsanga lelikhulile lingadliwa losiwe, libilisiwe, kwentiwe lisobho noma lilungiswe bese lifakwa etikoteleni. Liphetse umsoco lomunyenti, liphetse Calcium, Vitamin A, C na E. emacembe akhona kanye netimbali tiyadliwa njenge tibhidvo todvwa noma tihlanganiswe naletinye tibhidvo.Umhlabatsi Lodzingekako Nekuwulungisa
Litsanga njengaletinye ti cuurbits, titsandza umhlabatsi wesanti, lohambisa kahle emanti futsi ube uvudzile. Umhlabatsi lone pH lengu 6 na 6.8. uma lomhlabatsi uacidic, ngeta litfunyela emhlabatsini ungakahlanyeli.Cala kulungisa umhlabatsi kusasele emaviki lasitfupha kutsi uhlanyele. Uma umhlabatsi uhlangene kakhulu, yenta siciniseko kutsi uyawutsambisa ungakahlanyeli. Uma kudzingeka umcuba noma litfunyela, umcuba noma manyolo uyafakwa emhlabatsini ngalesi sikhatsi. Umhlabatsi ulungiswa kushobela lekungu 300 mm kuya ku 400 mm kuhlanganisa umcuba nelitfunyela. Kumcoka kutsi utame kulungisa umhlabatsi kute kube katsatfu.
Loku kusita kususa likhula nalokunye lokungafuneki ensimini. Nasekusele emalanga lamancane kutsi uhlanyele, lendzawo ingaphindze ilungiswe ngelikhuba kususa likhula lelingaba khona futsi nekucondzisa lendzawo.