Ligama Lelatiwako: iLettuce
iLettuce icatjangwa kutsi ivela kuncenye yase Asia, kepha base Egypt kutsenjwa kutsi bekucala kutsi bakhulise lesitjalo kwentela kuvelela lokuningi kusuka kulokuhafutelako nalokubabako kwetinhlobo tekucala tasemahlatsini.
Namuhla ilettuce ihlanyelwa mhlabawonkhe etindzaweni letivulekile nasetindliniletiluhlata. Indzawo legadziwe emkhicitweni wendluleluhlata ibengulokuhle kakhulu ekuchubekeni kwekuniketa isupermarket futsi sekuphe loloniketa ngelettuce nesigab kulama supermarket ladzinga lokusha futsi ngesikhatsi sekuletfwa kwalokukhicitiwe ngekwengetwa ngemashelufa etintfo temphilo temakhasimende abo.
Bakhiciti labakhulu nabo basakhicita ilettuce yasemasimini lavulekile futsi bacale kuniketa lokuhle kuciniseka ngelizinga nesimo.
Inchazelo ye Sitjalo
iLettuce ineluhlanga lolumfisha lwe masentimitha lalishumi lapho emacembe lashwilene ahluma kuyintfo leyiyibhola lecinile yemanti-lavutsiwe, emacembe lavutfukako noma tinhlobonhlobo temacembe lalula lakenta lamacembe abe yi rosette yalokulula, emacembe latsambile noma lokuphakeme lokutsambile, emacembe lancama lahlangene.Sitjalo lesiyincelencele nalamacembe alimala kamalula futsi kungenca yalamanti ayo lasetulu, iphuka kamalula. Letimphandze letishona kancane tivame kuba ngetulu kwemhlabatsi longemasentimitha lamashumi lamabili kuya kumashumi lamatsatfu alomhlabatsi ngakoke lesitjalo phindze siyincelencele emantini layinkinga. Lesitjalo se lettuce asivumelani nesitfwatfwa lesisemkhatsini.
Kusetjentiswa
iLettuce isetjentiswa kakhulu kumasaladi kanye nasetinkhweni letifakwe tibiliboco.Emalungiselelo kanye Netidzingeko te Mhlabatsi
iLettuce yenta kahle emhlabatsini wematje lamancane lodvonsa kahle futsi lonesigaba lesiphakeme setintfo letakheke etintfweni letiphilako. Le pH yalomhlabatsi kumele ibesemkhatsini wesitfupha nesikhombisa. Tsatsa imifanekiso yemhlabatsi kahle ngaphambi kwelilanga lekuhlanyela phindze uwente kutsi uhlolwe ebhorethrwi ngekuphindvwa.Inyanga yinye ngaphambi kwekuhlanyela lungisa lomhlabatsi kwentela umkhicito lokahle ngekutsi utfole lamanutrient latfwelwe ngulomhlabatsi nekulingana kwe pH ngekutsi kungetwe ilime kwentela umhlabatsi lone acid leningi kantsi nekwengetwa kwetintfo letakheka kutintfo letincane letiphilako kufana nemcuba noma manyolo. faka loku kula makhulu lamatsatfu kuya kumakhulu lamane emamilimitha emhlabatsi longetulu.
Nawenta emalungiselelo ekugcina alomhlabatsi evikini linye ngaphambi kwekuhlanyela, faka lokwekuvundzisa lokwentela-kuvuna kanye naletinye tintfo letidzingekako kulomhlabatsi longetulu wemasentimitha lamashumi lambili kuya kumashumi lamatsatfu ngekusebentisa irotavator nelihharigi ekuhlanganiseni lamanutrients njengoba loku kwenta kutsi kusuke letigadla kulomhlabatsi.
Lenchubo lena iphindze yenta lomsebenti wekugadza likhula lekugcina ngemshina. Yiba nesiciniseko kutsi lemilayini yalesitjalo kanye nemibhedzeyetinhlavu kuyalingana kantsi nalomhlabatsi ulungele futsi uhlobile. Loku kuciniseka kutsi letinhlavu telettuce lencane kakhulu tingahlanyelwa kwentela kuciniseka ngalokufanako lokuphutfumako, kukhula kanye nekutfutfuka. Kuphindze kunike umbhedze lokahle umakuhlanyelwa titjaloletincane.
Liningi lebakhulisi lifaka emaphayiphi ekunisela ngematfonsi ku noma kulemibhedze yaletinhlavu bese kuvala lemilayini yekuhlanyela levelile ngemaplasitiki lamadzala kwentela kuvimba likhula kanye nekunciphisa lokujika kubengumoya. Letitjaloletincane tibese tibekwa kulamaplasitiki labolile.
Simo Selitulu
Tonkhe tinhlobonhlobo te lettuce tidzinga simo selitulu lesipholile bese tenta kahle ngesikhatsi simo sekushisa ngetikhatsi tekukhula sisemkhatsini wa 15°C na 22°C. ngesikhatsi simo sekushisa sifika ku 28°C kantis nalekhani kuya etulu kwenta lesitjalo kutsi sikhule bese kuya etinhlavini ngekushesha ngaphambi kwekutsi letinhloko kanye nemacembe kulungele kuvunwa.Inhlanyelo
Leti nguletinhlobonhlobo letine te lettuce naletinye letimbalwa tetinhlanyelo tato.Ema lettuce eIceberg: Aviram, Commander, Del Oro, Del Rio, Empire 2000, Frosty, Great Lakes, Summer Gold, Tropical Emperor, Victory, Winter Crisp ne Winter Supreme.
Butter lettuces: All Year Round - Umnyaka Wonkhe, Bibb, Boston ne Kragramer Sommer.
Romaine lettuces: Green Forest - Lihlatsi Leliluhlata, Green Towers - emaTower Laluhlata, Ideal, Jericho, Naulitus, Plato ne Rubicon.
Loose leaf lettuces: Grand Rapids, Merlot, Oakleaf, Red sail, Red Fire - Umlimo loBovu, Ruby ne Simpson.
Kunetinhlanyelo letiningi kakhulu, ngayinye ngekuhluka kwayo nendlela yekukhicita. Kukahle kutfola secwayiso kulosehhovisi kanye nebatsengi ngemkhicito lodzingwa yimakethe nekutsi tinhlobonhlobo tilungele letimo tekukhula leticeliwe.
Translated by Phindile Malotana