Emastrawberry enta incenye yemndeni wetimbali. Lencenye ledliwako yalesitjalo iyakhuliswa ngaletimbali, tibe "letinhlavu" letibonakalako letingakhombisa kulamaberry, labitwa ngema achenes, tintfo letisandingilizi. Yinye inhlavu, ngekusebenta, isitselo.
Libito lalemvelaphi alateki kahle. Labanye batsi ilandzela kusakaka kwesitjalo, lendlela lejikwa ngayo ngetulu kwendzawo yekukhicitela. Labanye bacabanga kutsi kungaba yindlela yekumela si-straw ngekutsi ingasebentiswa ekutsengiseni iminyaka leminingi ngaphambilini eNgilandi noma lolokuvalako lokubolile lapho khona lama strawberry avame kukhokhwa khona.
Emastrawberry asetjentisiwe etintfweni temitsi ngema Roma andvulo kubuyela emuva ku 230 BC, kwentela kwelapha nomayini kusuka ku melancholy kuya kutinso tematje. Ngetikhatsi tabomabonakudze, kwabonwa kutsi iaphrodisiac kanye nesitfombo selutsandvo ngenca yekuma kenhlitiyo kanye neliabal lelibovu. Kwakhiwa kwemastrawberry, ngalesisikhatsi, kwakuvame kubekwa epulupiti kanye nasetukwendlu yelisontfo kantsi netigodvo tase cathedral kwentela kukhomba kucondza kanye nekulunga.
Njengekusjo kwa David Trinklein we Nyuvesi yase Missouri, indlela yendlu yemacala – Madame Tallien, lobekatiwa ngekugeza ngema strawberry. Kahlekahle bekasebentisa langaba ngemakilogram lalishumi emastrawberry kukunyekugeza.
Imvelaphi yema Melika yayivele idla emastraberry ngesikhatsi semakholonisi nakafika. Kulinywa kwacala ngesikhatsi se Renaissance eEurope, kepha iUnited States yakhula kwatiwa kwekucala ngemnyaka wa 1780.
Umkhicito waNgaphesheya
iChina isesicongweni ngekukhokha emastrawberry emhlabeni wonkhe, kubalela ngetulu kwa 40% wemkhicito, ngekusho kwa Tridge, indlela yemhlaba. iUnited States yesibili kuletinkhulu lekhokha lokuhambela cishe ku 15%, ilandzelwe yi Mexico. Spain, iTurkey kanye ne Egypt, lapho khona kunye kuhambela ku 4 kuya ku 5% wemkhicito lophelele.
Spain ngusona sisetulu ngekuhambisa, kukhokha 23% walokuhanjiswako lokuphelele, ilandzelwe yi Mexico, lebalela ku 22%, le United States, lebalela ku 18% kanye ne Netherlands, lebalela ku 10.2%
Lomngenisi lomkhulu yi United States, lekhokha lokungetulu kwa 20% walokungeniswako, ilandzelwe yi Canada, lekhokha 13% ne Germany, lekhokha 10% ne United Kingdlom, lekhokha 8%.
Umkhicito waseNdzaweni
Inhlobo yestrawberry sekucala yase ivele iletsiwe eNingizimu Afrika ngemnyaka wa 1656. Litiko Lebalimi be Strawberry sase Afrika lasungulwa ngemnyaka wa 1972 kwentela kunika balimi indlela lapho tinkinga tabekwa kutsi kutfolwe lokufanako ngemalunga.
Umkhicito sewukhulile eNingizimu Afrika ngetulu kweminyaka leyengcile ngenca yekufunwa, kepha solo kudulile kanye nemsebenti, kukhokha cishe kumikhicito lehambela eshumini nakubili cishe lokungu 90% kwawowonkhe umkhicito.
Umkhicito
Ema strawberry ayakhula etindzaweni letinekubandza kwasebusika kanye nelihlobo lelisemkhatsini kanye nekukhula kahle emihlabatsini ledvonseke kahle lephetse tintfo letiphilako letiphakeme. Liningi lema strawberry ase Ningizimu Afrika akhokhwa eBrits - lidolobha lelise Free State, eGeorge, ePaarl ne Stellenbosch lese Western Cape.
Lokungaba nguhhafu kwalamastrawberry kuyakhokhwa ngaphandle, kube lokusele kukhokhwa ngaphansi kwekugadvwa. Loku akusiti kuvikela kuphela lesi sigaba lesiphakeme senhlanyelo yemvelo kepha kuchubekisa lesikhatsi sekukhicita phindze kutfutfukise lizinga lemaberry. Kuhlanyela ngaphansi kwekuvikela nomakunjalo kuhambisa kubita kwemikhicito.
Sikhatsi Sekukhicita
Kushiyana ngetinhlobo kanye nesigodzi sekukhicitela, emastrawberry ahlanyelwa kusuka ngenyanga yeNdlovana kuya kuMabasa bese kuvunwa ngenyanga yeNhlaba kuya kuNgongoni eNingizimu Afrika.
Tinhlobo
Liningi letinhlobo letatiwako tintfo tema strawberry esiganga, lekuyimvelaphi yase North America kanye nenhlobo yase Chilen. Tinhlobo letehlukene temastrawberry tiyahlanyelwa eNingizimu Afrika, neliningi letitjalo letingaphansi kwemalungelo, lekuchaza kutsi labalimi kumbe kumele babhadale imisebenti yabo noma babenelicembu lababakilo kuze batfole imvumo yentfo yesitjalo.
Letinhlobo tingaba yintfo-yelilanga noma lilanga lelifisha lekuhlanyela. Tinhlobo telilanga letimbaku tenkhululeko ngebudze belilanga, lelapho kuhlanyela ngelilanga lelifisha kudzinga linani lelitsite lekukhanya kwelilanga etimbalini. Tivame kuphuma timbale ngesikhatsi sentfwasahlobo noma tiwe.
Intsengo
Cishe hhafu wemastrawberry ase Ningizimu Afrika ayatsengiswa asemasha, endzaweni. Lolokusele kuyakhiwa noma kuhanjiswe kuye kulamanye emave ase Afrika, lafana ne Swaziland, iNamibia, iMauritius kanye ne Mozambique, noma kumave lasemkhatsini lase Middle East, lafana ne United Arabian Emirates, iQatar kanye ne Kuwait.
Kusetjentiswa
Ema strawberry atsatfwa njengekudla lokunemandla ngenca yemavitamin awo laphakeme, emamineral, ifibre kanye ne antioxidant lakayitfwele. “Tinhlavu’’ tema strawberry tiphindze tivutsiwe nga Omega 3.
Ema strawberry angadliwa anjalo, asetjentiswe kusaladi, ekubhakeni kanye nakuyoghut noma entiwe jamu, sinatfo noma lokunongotelako.
Lesitselo kanye nalamacembe kusetjentiswa ekwelaphani tinhlobo letiningi tesimo, letihambela kusuka esifeni sematsambo kuya emkhuhlaneni, ematfumbu kanye netinso kuya engatini kanye ne anaemia. Singaphindze sisetjentiswe ekwelapheni kucubuka.
Translated by Phindile Malotana