Leti titselo letinongotelako letincane letihambela kumtfubi, bovu nalukhwebeletana losa mnyama afakwa nalokondla umtimba kanye nalokuphilisako, phindze acuketse tintfo letiyimphilo letinhle.
La Ningizimu Afrika, ngema sheri lanongotelako kuphela, iPrunus avium, lakhicitwako, kepha emasheri lababababako nalamunyu, emaPrunus cerasus, lasetjentiswa ekubhakeni nasekudleni lokunongotelako, akhicitwa emaveni lafana ne Russia, iMelika kanye neUkraine. Umkhicito lomkhulu wemasheri lanongotelako uchamuka eTurkey iminyaka leminingi, kepha muva iChile ibengulenkhulu ngekukhicita noma ngekukhokha emasheri lanongotelako emhlabeni wonkhe jikelele.
eNingizimu Afrika, ngetulu kwehhafu yemkhicito wemathani layinkhulungwane atsengiswa njengetitselo letinsha letidliwako, etimakethe tasendzaweni, abe 26% ahanjiswa. Lomunye 8% uyakhicitwa.
Imikhicito yemaSheri
Ngaphandle kwemasheri lanongotelako lasemasha latfolakala ngekuba Sigaba Sekucala noma Sigaba Sesibili ngelizinga phindze apakishwe kumaplasitiki noma kumabhokisi langu 5Kg, emasheri aphindze asetjentiselwe kwenta tjwala besheri kanye newayini. Leminye imikhicito yemasheri lefana nemasosi, bojamu, emasheri lafakwe etikoteleni nalatinongo nawo aphindze akhicitwe eNingizimu Afrika. Lomisiwe, layimphuphu, lomisiwe abalitje kanye nemasheri layimphuphu kumaphilisi ayatfolakala. Kepha emasheri lanatfwako (njengejusi nalokunye) abalulekile.
Emasheri etinongo akhicitwa eFicksburg leseSifundzeni sase Free State ngendlela lemelula kepha letsatsa sikhatsi ngekukhicita. Emasheri lamtfubi esintfu ayasetjentiswa, ancutfwa ngaphambi agucuke abebovu. Uma acala agucuka ababovu, kumele ashintjwe noma tinhlwayi titovela umakunongwa. Emasheri ashintjwa ngendlela yemaviki lasitfupha, alungiswa ngesandla, ahlelwe ngebunani phindze aciniswe. Lamasheri ayabiliswa emalanga lasihlanu nga 90°C bese ancishiswa ku 50°C emaviki lamabili. Ngemuva kwenchubo yekupheka, shukela kanye nelibala kuyangetwa. Ngaphambi kwekupakisha, emasheri ekunonga endluliselwa ngetulu kwelitafula lelimelelula kwentela kuhlola umangabe tinshwana tisusiwe. Emasheri esinongo atiwa kakhulu ekubhakeni ngetikhatsi temaholidi abokhisimusi newenkholo.
Kukhicitwa kwemasheri lamtfubi kungahlukaniswa ngetigaba letintsatfu: emasheri ekunonga, emasheri eMaraschino kanye nemasheri langophi kwentela titselo letifakwa etikoteleni. Kungaba ngu 10% wemasheri lakhicitiwe lasuka eNingizimu Afrika; lalamanye angeniswa achamuka eItaly.
Yini emaSheri emaMaraschino?
Emasheri ema Maraschino akasiwo tinhlobonhlobo temasheri kepha emasheri labovu-lokhanyako ngelibala nalakhicitiwe, lavama kusetjentiswa etinatfweni nakutidlo tekugcina, letifana nabo ice cream.
Emasheri langiwo emaraschino lavela ku marasca’ isheri lencane lemunyu, lemnyama lekhula ibeyinkhulu elusentseni lwase Croatia. Yayigcinwa ngekutsi ifakwe etjwaleni lokuubitwa ngekutsi yi ‘Marascino’. Ngekwentsengo emasheri eMaraschino lekhicitwako akabekwa netjwala, kepha ngendlela yashukela, lapho khona lokungetwa kwe calcium kugcina lokukuma kwemasheri.
Lokutfolakala Kuma Sheri
Emasheri akudla lokunesisindvo, aphansi ngema khilo kepha aphakeme ngefibre, ipolyphenols, icarotenoids, ngavitamin c nepotassium. iPlyphenol, emacarotenoids neVitamin E na C asingetetelo kuma antioxidant nasetintfweni letingashisi temasheri. Imiphimula lasuka etifundvweni letitfolakalako ngekutsi kudla emasheri kunganciphisa tifo letishisako kufaka sifo sematsambo, sifo samdlavuza. Ngekwengeta, sifundvo sesikhombise kutsi kudliwa kwemasheri kungaphucula imphilo phindze kunganciphisa lobukhona besifo sematsambo.
Emasheri lanongotelako aphakeme ngema antioxidants phindze futsi ngalokuningi ngako bumunyu (kubabababa) kwemasheri, indlela leyenta umjikelo wekulala kwemtimba kuvuke.
Yati kutsi:
Lwati lwekufundzisa phindze netidzingo tekwati kuphela futsi angeke sekutsatfwe njengesecwayiso semitsi. Lolwati alikabekelwa kutsi lumelele secwayiso semitsi noma kwelapha lokunikwa tati tekunakekela imphilo.
Translated by Phindile Malotana