Iinthelo ezisudu ezincanezi ezinombala osarulana, obumvu kanye nophephuli - nanyana onzima zizele izakhimzimba kanye nama-antioxidant, begodu zimumethe izakhimzimba ezinepilo.
E-Sewula Africa, kukhiqizwa ama-cherry asudu kwaphela, abizwa bona ma-Prunus avium, kodwana linani elincani lama-cherry aswiri i-Prunus cerasus, elisetjenziselwa ukubhaka, begodu likhiqizwa eenarheni ezifana ne-Russia - USA kanye ne-Ukraine. Umkhiqizo omkhulu kunawo woke wama-cherry gade uvela e-Turkey iminyakanyaka kodwana mvanje, i-Chile sekungiyo ekhiqiza khulu ama-cherry asudu ephasini.
E-Sewula Africa, umkhiqizo odlula incenye yamatani ayi-1 000 ukuya phezulu uthengiswa njengenthelo ezidliwa zifretjhi, abosomabubulo bekhayapha kanye nemaraga, lokha i-26% isiwa eenarheni zangaphandle. Enye i-8% kwenziwa ngayo ezinye izinto.
Imikhiqizo yama-Cherry
Ngaphandle kokukhiqiza ama-cherry afretjhi akhona ayi-grade 1 nanyana i-grade-2 astandadi kanye napakwe etjhwaratjhwareni, nanyana emakhathonini ayi-5 kg, ama-cherry asetjenziselwa ukwenza ama-cherry liqueurs kanye newayini.
Eminye imikhiqizo yama-cherry efana nama-sauce wama-cherry, amajemu, akheniweko ikhiqizwa eSewula Africa. Zonyiswe, zenziwe ipuyere, zifakwe esiqandisini, onyiswe kanye nama-cherry onyisiweko enziwa ipuyera ema-capsule amapele akhona. Kodwana ama-cherry concentrate (wokwenza ijuzi) alethwa ngapha abuya eenarheni zangaphandle.
Ama-cherry akhazimulisiweko akhiqizwa e-Fiksburg esifundeni se-Free State, ngendlela elula kodwana adla iskhathi esinengi. Ngokwesiko, ama-cherry asarulana asetjenziswa, akhiwe ngaphambi kokobana atjhuguluke umbala abe bomvu. Nange athoma ukutjhuguluka umbala abe bomvu, kutlhogeka kobana ablitjhiwe, nanyana azokuvela amatjhatjhazi lokha nasele afakwe iswigiri. Ama-cherry ablishiwa nge-metabisulphite solution, iimveke ezisithandathu, bese akhethwa ngezandla, alinganiswe ngobukhulu, asuswe namatje. Ama-cherry lawo abese ayabiliswa amalanga amahlanu, ku-90°C bese ahlihliziswa emlilweni ophasi oyi- 50°C iimveke ezimbili. Ngemva kwalokho nasele avuthiwe, afakwa iswigiri kanye nezinto eziwadayako. Ngaphambi kokobana bawapake, ama-cherry akhazimusiweko adluliswa etafulenielula lapha ahlolwa khona bona zoke iintanga zisukile na. Ama-cherries afakwe iswigiri athandelwa khulu ukubhaga khulukhulu ngama-Easter nangoKhrisimusi.
Ikambiso yokulungisa ama-cherry asarulana ingahlukaniswa ngengaba ezintathu: ama-cherry afakwe iswigiri, Maraschino kanye nama-cherry angabluyiko wokwenza ihlanganisela yenthelo ezikheniweko. Yi-10% kwaphela yama-cherry alungisiweko avela eSewula Africa amanye abuya e-Italy.
Nganjani ama-Maraschino Cherries?
Ama-Maraschino cherries akasimhlobo wama-cherry kodwana ma-cherry abomvu okukhanyako begodu ama-cherry alungisiweko, avamise ukusetjenziswa nakwenziwa ama-cocktail kanye nama-desserts, afana namarhwabalaza.
Ama-Cherry wamaraschino wemvelo avela e-‘marasca’, ekulima-cherry amancani aswiri akhula abe makhulu etlhagwini ye-Croatia. Gade abulungwa ngokobana abijwe phakathi kwe-liqueur ebizwa bona yi-‘Marascino’. Ama-Maraschino akhiqizwa ngomcopho wokwenza inzuzo akabulungwa nge-alcohol, kodwana ngeswigiri, lapha ukufakwa kwe-calcium kwenza bona ama-cherry ahlale aqinile.
Inzuzo Elethwa ma-Cherry
Ama-cherry kukudla okuzele izakhimzimba, anganama-kilojoule amanengi kodwana azele imithiya, polyphenols, carotenoids, vitamin C kanye ne-potassium. I-Polyphenols, carotenoids - vitamins E kanye ne-C, ziletha ama-antioxidant begodu aqeda ukuvuvuka. Imiphumela yemfundo ezitholakala ngokudla ama-cherry, zithi ama-cherry angarhelebha ukunciphisa ubungozi bezifo zokuvuvuka ekubalwa hlangana ubulwelwe bamathambo, ubulwelwe behliziyo kanye nekankere. Ukungezelela, iimfundo ezitholakeleko zitjengisa kobana ukudla ama-cherry kungagcugcuzela ukulungiswa kuhle kwe-glucose begodu kungaphungula ukuphathwa bulwelwe bamathambo ngokweqileko.
Ama-cherry asudu azele ngama-antioxidant ukudlula lapho ama-cherry aswiri, aneswigiri elinganako yemvelo njengama-cherry asudu. Ama-cherry we-tart amumethe umnambitheko omnengi osude kanye noswiri onama-phytochemicals kanye nesilinganiso esiphezulu sama-antioxidant.
Ngaphandle kwama-antioxidant, ama-cherry ngiwo wodwa umthombo wemvelo we-melatonini, ekuyi-hormone elilinganisa kobana umzimba urhone ukulala nokuvuka.
Tjheja:
Ilwazeli lenzelwe kufundisa kanye nomncopho welwazi kwaphela begodu alikafaneli kobana lisetjenziswe njengesiyeleliso sezamaphilo. Ilwazeli alikenzelwa ukujamiselela iinluleko zezepilo nanyana ukulatjhwa zisebenzi zezamaphilo.
Translated by Busisiwe Skhosana