Inchazelo
Le Cabernet franc yinhlobo yeligilebisi lelimunyama lelondzile lelisetjentiswa ekukhiciteni emawayini labovu lasetjentiswa etafuleni. Kwatiwa kutsi nguyinye yetinhlobo tewayini lebovu letindzala letisolo tisakhicitwa,ngenchazelo ye DNA lenconota kutsi ingaba ngiyo lechubako uma ingabi nguyoyona inhlobo ye Biturica lendzala, lefana ne Cabernet franc lephuma eBasque, eSpain.
Lenanhlobo itfolwe njengemtali wemagilebisi lamcoka lalinywako kulamalanga: Indlela emkhatsini wayo kanye ne Sauvignon blanc yakhokha iCabernet Sauvgnon, bese nge Magdelaine noire kwakhicitwa iMerlot.
Lapho Avela Khona
Le Cabernet franc yatiwa kutsi yatentela indlela kusuka eSpain kuya eningizimuntshona yase France ngaloko kubongwa emapilgrims ngekubuya eSaint Jacques de Compostela kuya eFrance. Lomdzala unako kutsi cardinal De Richelieu watsatsa emagala eningizimuntshona yase France wawahlanyela ngaseminceleni yemfula iLoire.Lamanye Emagama
Lenanhlobo yatiwa ngemagama lamanye lamanengi, kufaka ekhatsi iAche’ria, Bidure, Boubet, Bouchet, Cabernet gris, Cabernet Franco ne V’eron.Kukhicitwa eNingizimu Afrika
Akwatiwa noma iCabernet franc yatfunyelwa la Ningizimu Afrika kucala, kepha phrofesa Abraham Izak Perold besekavele ayincomile inhlanyelo yayo ngemnyaka wa 1920, ngenca yemndlandla wayo wekukhicita emawayini lamahle lasezingeni lelisetulu.
Lenhlobo yasetjentiswa ekukhiciteni luhlobo lwe Bordeaux kwaze kwaba ngumnyaka wa 1998 uma Norma Ratcliffe wase Warwick Estate eceleni kwe Stellenbosch, abawekucala la Ningizimu Afrika ekukhululeni/ekuyikhokheni njenge nhlobo leyodvwa yewayini.